5-маьруза полимер материалларнинг асосий хоссалари. Пластмассалар. Уларнинг компонентлари ва хоссалари. Термик деструкция. Термопластлар. Реактопластлар. Турлари, структураси, асосий хоссалари

Инден-кумаронли полимер кумарон, инден, стирол ва уларнинг гомологлари каби ароматик бирикмаларни полимеризациялаб олинади. Хом ашё сифатида тошкўмир қатрони ишлатилади. У асосида локлар, пол учун плиткалар тайёрлаш мумкин.
Поликонденсацион полимерлар
Фенол-алдегидли полимерлар феноллар (фенол, резорцин, крезол ва бошқа) ва алдегидларни (формалдегид, фурфурол, лигнин ва бошқ.) поликонденсация реакциялари натижасида олинади.
Фенол-формалдегид полимерлари ёғоч, мато, қоғоз, шиша ва минерал толалар билан яхши ёпишгани учун ушбу материаллар кукуни ва тўлдиргичлари асосида композицион прессматериаллар ва иссиқлик изоляцияси маҳсулотлари тайёрланади. Улар ёғоч-пайрахали плиталар, қоғоз қатламали пластиклар, шишапластиклар, минерал пахта ярим бикр плиталари, сувга чидамли фанера ва опалубкалар, елимлар, бакелит локлари ҳамда полимер мастикалар, қоришмалар ва бетонлар тайёрлашда боғловчи сифатида ишлатилади. Қаттиқ резолли полимерлар асосида пресс-кукунлар ва фаолит, улар заминида эса қувурлар, листлар, плиткалар, электротехника буюмлари олинади.
Фенол-алдегидли полимерлар олиш хом ашё базаси катта ва нисбатан арзон, технологик ишлов бериш осон бўлгани учун махсус қурилиш материаллари ишлаб чиқаришда кенг миқёсда ишлатилади.
Карбамидли полимерлар карбамид (мочевина) ва формалдегидни органик синтез қилиб олинади. Карбамидли полимерлар оқиш-рангсиз, қовушоқ-оқувчан суюқлик бўлиб, пигментлар қўшиб исталган рангга киритиш мумкин. У сувда исталган нисбатда минерал кукун, майда ва йирик тўлдиргичлар билан яхши аралашади. Органик тўлдиргичлар (қипиқ, пайраха, қоғоз майдаси ва ш.к.) ва ёғочга катта куч билан ёпишади: нисбатан арзон ва хом ашё захиралари беҳисоб саналади.
Карбамид полимери кучсиз кислоталар, туз эритмалари таъсирида қотади. Мўртлигини камайтириш учун таркибига пластификаторлар қўшилади.
Карбамид полимери асосида ёғоч ва қоғоз материалларни бириктириш учун елимлар, мастикалар, пасталар, қоришмалар ва бетонлар тайёрланади. Ёғоч толали плиталар, ёғоч пайрахали плиталар, елимланган конструкциялар олишда боғловчи сифатида ишлатилади. Карбамид смоласи таркибига газ ҳосил қилувчи компонентлар киритилиб ячейкали пластиклар, кўпқатламли ва толали пластиклар тайёрланади.