5-маьруза полимер материалларнинг асосий хоссалари. Пластмассалар. Уларнинг компонентлари ва хоссалари. Термик деструкция. Термопластлар. Реактопластлар. Турлари, структураси, асосий хоссалари

Полимер боғловчи моддалар

Полимерлар классификацияси ва тузилиши
Полимер моддалар таркиби, синтез усули ва ички тузилишига кўра классификацияланади.
Полимерлар макромолекуласининг асосий занжири таркибига нисбатан учта гуруҳга бўлинади: карбонзанжирли полимерлар, яъни молекуляр занжири фақат углероддан иборат (полиэтилен, полипропилен):
| | | |
-С-С-С-С-
| | | |
Гетерозанжирли полимерлар, яъни молекуляр занжир таркибига углерод атомидан ташқари кислород, олтингугурт, азот, фосфор (эпоксид, полиэфирлар, полиуретан ва ш.к.) атомлари киради:
| | | |
-С-О-О-С-
| | | |
Элементорганик полимерлар, яъни асосий молекуляр занжири кремний, алюминий, титан ва бошқа баъзи бир элементлардан иборат бўлади. Кремнийорганик полимерлар шундай таркибга эга:
Р Р Р
| | |
-Си-О-Си-О-Си-
| | |
Ҳ Ҳ Ҳ
Полимерлар олиниши усулига кўра полимеризацион (А) ва поликонденсацион (Б) турларига бўлинади:
Полимеризацион полимерлар мономерларнинг кўп миқдордаги бир хил молекулалари қўшимча маҳсулот ҳосил қилмасдан молекуляр занжирга бирикади. Бу усулда полиэтилен, полипропилен, полиизобутилен, поливинилхлорид, полистирол, полиметилметакрилат ва ш.к. полимерлар олинади.
Полимеризация жараёнида атом ва атом гуруҳларининг ўрни ўзгармаслиги туфайли полимер ва мономернинг кимёвий таркиби бир хил бўлади.
Поликонденсацион полимерлар бир нечта оддий бирикмалардан таркиби аввалги маҳсулот таркибидан фарқланадиган полимер ҳосил қилади. Поликонденсацияланиш жараёнида қўшимча моддалар (сув, аммиак, водород, хлорид ва бошқалар) ажралиб чиқади, функционал гуруҳлар ўртасида кимёвий реакциялар содир бўлгани учун полимер ва мономер таркиби бир хил бўлмайди. Бу усулда фенолформалдегид, карбамидформалдегид, полиамид, эпоксид, полиэфир, фуран ва бошқа полимерлар олинади.
Полимерлар ички тузилиши жихатидан чизиқли ва ҳавойи (кўндаланг ва тўрсимон) турларга бўлинади.
Чизиқли полимерлар макромолекулаларнинг узун ипсимон кучсиз боғланиши шаклида бўлади. Полимер таркибида атомлар поляр гуруҳларининг бўлиши занжирлар орасидаги боғланишни кучайтиради.