5-amaliy. Elektrdan jaroxatlanganda dastlabki yordam ko’rsatish

5-amaliy.Elektrdan jaroxatlanganda dastlabki yordam ko’rsatish.
Elektrdan jarohatlanish ishlab chiqarishdagi barcha jarohatlarning 1% miqdorini tashkil qilsada, ammo o’lim bilan tugovchi baxtsiz hodisalarning 20...30% miqdorini egallaydi. SHuningdek, o’lim bilan tugovchi baxtsiz hodisalarining 80% gacha sodir etilganlari 1000 V kuchlanishli bo’lgan elektr qurilmalariga to’g’ri keladi.

Ishlab chiqarish jarayonlarida turli asbob uskunalarni ishlatish elektr quvvatidan keng miqyosida foydalanishni taqazo etadi.

SHu sababli, elektr toki ta’sirida ro’y beradigan baxtsiz xodisalaring oldini olish, undan himoyalanish kabi masalalarni yechish o’ta muhimdir.

Elektr tokining eng xavfli tomoni shundaki, bu xavfni oldindan sezishning imkoniyati yo’q.

Ko’p hollarda elektr asboblarining nosozligi yoki ularning ishlatish qoidasi va talablariga amal qilmaslik kishilarni turli darajada jarohatlanishlariga olib keladi (25- rasm).

Elektr toki, odam tanasiga termik, elektrolitik va biologik ravishda ta’sir etishi mumkin. Natijada odamning nafas olishi jarayonida, yurak faoliyatida, moddalar almashinuvida, qon tarkibida va boshqa a’zolarida o’zgarishlar ro’y beradi. Tok ta’sirida ko’p hollarda kuchli kuyish holati kuzatiladi.

Termik kuyish 4 darajada kuzatiladi.

1.Termik qizarish;

2.Pufakchalar hosil bo’lishi;

3.Teri yuzasining mo’rtlashishi;

4.Teri to’qimasining to’liq kuyib ketishi.