5- mavzu. Avtomobil transporti asosiy ish ko‘rsatkichlari

5- Mavzu. AVTOMOBIL TRANSPORTI ASOSIY ISH KO‘RSATKICHLARI
Reja:

1. 
   Umumiy tushunchalar
   
2. 
   Avtomobil saroyi va undan foydalanish
   
3. 
   Avtomobil saroyi quvvati va tarkibi
   
4. 
   Marshrutlarda avtomobillarni ishlatish. Transport vositasining yuk ko‘tarishi va undan foydalanish.
   
5. 
   Transport vositasi qatnov masofasi va undan foydalanish.
   
6. 
   Transport vositalarining marshrutlardagi ish rejimi.
   
7. 
   Harakat tezliklari.
   

Tayanch so‘z va iboralar: Avtotransport saroyi, texnik tayyorgarlik koeffitsienti, avtosaroydan foydalanish koeffitsienti, saroy quvvati, saroy tarkibi, yuk ko‘taruvchanlik, yuk ko‘taruvchanlikdan foydalanish statik koeffitsienti, yuk ko‘taruvchanlikdan foydalanish dinamik koeffitsienti, yukli qatnov masofasi, yuksiz qatnov masofasi, nolinchi qatnov masofasi, yukli o‘rtacha qatnov masofasi, yuk tashish o‘rtacha masofasi, ish vaqti, marshrut vaqti, ortish-tushirish vaqti, harakat vaqti, texnik tezlik, ekspluatatsion tezlik


1. Umumiy tushunchalar
Transportda tashish jarayoni o‘zaro bog‘liq va ketma-ket bajariluvchi operatsiyalar (yuklarni tashishga tayyorlash, ortish, belgilangan manzilga etkazish, tushirish, yuklarni egalariga topshirish, transport vositasini navbatdagi tashishga keltirish) yig‘indisidan iborat bo‘lib, uni transport vositasi orqali bajariladi. Transport ishini rejalashtirish, hisoblash va tahlil qilishga mo‘ljallangan ma’lum texnik-ekspluatatsion ko‘rsatkichlar yordamida ular ish natijalari va ishlatish darajalarini aniqlash mumkin bo‘ladi. Ularga quyidagilar kiradi: transport vositasining marshrutdagi ish rejimi, harakat tezligi, yuk ko‘tarish qobiliyatidan foydalanish darajasini belgilovchi koeffitsient, ma’lum masofadagi yo‘ldan unumli (yoki ish bajarish uchun) foydalanish darajasini belgilovchi koeffitsient, transport vositasiga ortish-tushirish operatsiyasida turgan vaqti va boshqalar.
Transport vositasidan foydalanish samaradorligi yuqorida keltirilgan har bir omil va ularning birgalikdagi ta’siri bilan baholanadi.