4‑мавзу. Инновацион фаолият инфратузилмасининг ташкилий-иқтисодий механизмлари

20. Инфратузилманинг инновацион маҳсулотларни ишлаб чиқаришдаги ўрни

Инновацион фаолият инфратузилмасининг тармоқлари ва бўлимлари пировард маҳсулот яратмайди. Улар инновацион маҳсулотларни ишлаб чиқаришдан то уни сотишга қадар, моддий ва номоддий шароит яратиб беради холос. Инфратузилманинг айрим элементлари ишлаб чиқариш жараёнини таъминлайди, унинг узуксиз амалга ошишига ва ҳоказоларга ёрдам беради. Ишлаб чиқариш жараёнини таъминлаш деганда, масалан, ишлаб чиқариш инфратузилмасининг таркибига кирувчи қисмларни, яъни моддий-техник таъминот, молиявий русурслар таъминоти, кадрлар билан таъминлаш ва ҳоказоларнинг мавжудлиги (шакллантирилганлиги) тушунилади.

2. Инновацион фаолият инфратузилмасининг таркиби

Мамлакатимизнинг социал-иқтисодий ривожланишида фаннинг ролини кучайтиришга ва илмий-тадқиқот фаолияти самарадорлигини оширишга қаратилган ташкилий-иқтисодий механизм жадал фаоллашмоқда.

Сўнгги йилларда технопарклар (ТП), инновацион-технологик марказлар (ИТМ), инновацион-ишлаб чиқариш комплекслари (ИИК), кластерлар, стартап корхоналар ва бошқалар ривож топмоқда.

22.Инновацион марказлар

Илмий ғояларни ишлаб чиқиш ва уни кейинчалик материаллаштиришда янги ташкилий тузилмалар: инновацион марказлар катта роль ўйнайдилар.

Инновацион марказлар таркиби қуйидагилардан иборат:

• технологик парклар (илмий, ишлаб чиқариш, инновацион, бизнес-парк ва ҳоказо);
• технополислар;
• фан ва технологиялар минтақалари;
• инновациялар инкубаторлари.

23.Технологик парк

Технологик парк иерархик тузилмасини қуриш асосида модулли тамойил ётади. Уни қуришда фойдаланиладиган биринчи элемент инкубатордир. Технологик парк ҳар бири инновацион хизматларнинг ихтисослаштирилган мажмуасини тақдим этувчи марказларнинг йиғиндисидан иборатдир.

Технологик парк, оддий қилиб айтганда, инновацион маҳсулот ишлаб чиқарувчи корхоналарни ташкил этиш ва инновацион фаолият натижаларини ишлаб чиқаришга жорий этишга хизмат қилади. У юридик шахс сифатида, мулкчилик шаклидан қатъи назар, давлат рўйхатидан ўтказилади.