4‑мавзу. Инновацион фаолият инфратузилмасининг ташкилий-иқтисодий механизмлари

15. Инновацион ишланмалар кимларнинг меҳнат маҳсули?

Инновацион ишланмалар устида фаолият юритадиган субъектлар ‒ Фанлар академиясининг ихтисослашган институтлари, олий таълим муассасалари таркибидаги тажриба лабораториялари, синов тариқасидаги ишлаб чиқариш марказлари, илмий парклар, инновацион марказлар ва бошқалар.

16. Инновацион ғояларни амалга оширувчи субъектлар

Инновацион ғояларни амалга оширувчи субъектлар – ғояни жорий қилувчи фирмалар, муҳандислик марказлари, консалтинг фирмалари, реклама фаолияти билан шуғулланувчи фирмалар, банклар ва бошқа кредит ташкилотлари, кадрлар тайёрлаш ва қайта тайёрлаш марказлари, суғурта компаниялари ва бошқалар.

Булар инновацион соҳанинг тадқиқотчилик-лойиҳалаш секторини иқтисодиётнинг ишлаб чиқариш соҳаси билан бирлаштиради.

17. Инфратузилмани гуруҳларга ажратиш

Амалиётда инфратузилмани иккита гуруҳга бўлиш қабул қилинган: ишлаб чиқариш ва социал. Ишлаб чиқариш инфратузилмасига инновацион тадбиркорликка хизмат кўрсатувчи тармоқлар, социал тусидагига эса – ходимларнинг нормал меҳнат фаолиятини таъминловчи ва ишчи кучини такрор ишлаб чиқаришга ёрдам берувчи тармоқлар киради.

Биринчи гуруҳ тармоқлари фаолиятининг натижаси бевосита ишлаб чиқариш учун хизматлар яратиш бўлса, иккинчисиники − ходимларнинг турмуш даражасини ишириш бўйича хизматлардир.

18. Ишлаб чиқариш инфратузилмаси

Ишлаб чиқариш инфратузилмасига кирувчи ишлаб чиқариш кучларининг таркибий элементларини меҳнат воситалари дейиш мумкин. Улар ишлаб чиқариш жараёнларининг содир бўлишига моддий шароитлар яратиб беради. Ишлаб чиқариш инфратузилмаси ишлаб чиқариш жараёнига тўғридан-тўғри кирмасада, унингсиз бу жараён содир бўлмайди, бўлган тақдирда ҳам мукаммал даражага эришмайди.

19.Социал инфратузилма

Социал инфратузилма инновацион маҳсулот ишлаб чиқаришнинг керакли мутахассисларга бўлган талабини қондиришга, ишчи кучини такрор ишлаб чиқариш ва унинг қўнимини таъминлашга хизмат қилади шу билан у инновацион маҳсулот ишлаб чиқаришни қўллаб қувватлайди.