4‑мавзу. Инновацион фаолият инфратузилмасининг ташкилий-иқтисодий механизмлари

11. Инфратузилма субъектлари инновацион маҳсулот ишлаб чиқариш жараёнида ўзига хос оралиқ буғун

Инновацион фаолият инфратузилмаси − янги ёки такомиллаштирилган маҳсулотни, шунингдек, янги ёки такомиллаштирилган технологик жараённи яратиш, уларни ишлаб чиқаришда ўзлаштириш (амалиётда қўллаш) бўйича хизматлар кўрсатадиган субъектлар йиғиндисидир.

Инфратузилма субъектлари мустақил равишда пировард маҳсулот ишлаб чиқармасада инновацион тадбиркорликнинг пировард натижаларга эришишларига сабабчи бўлади. Улар умумий инновацион маҳсулот ишлаб чиқариш жараёнида ўзига хос оралиқ буғун ролини ўтайди.

12. Инфратузилманинг инновацион маҳсулот ишлаб чиқариш тизимидаги ўрни

Инфратузилманинг инновацион маҳсулот ишлаб чиқариш тизимидаги ўрнини тавсифловчи муҳим жиҳати шундаки, у инновацион тадбиркорликни ягона мақсадли дастур асосида юқори даражада якуний натижаларга эришишга хизмат қилади. Шунингдек, улар инновацион маҳсулот ишлаб чиқаришда меҳнатнинг юқори даражада бўлишлигини таъминлайди.

Демак, нфратузилма – яхлит хўжалик организми эмас. Унинг таркибига кирувчи барча тармоқлар, ижтимоий такрор ишлаб чиқариш тизимида ўзларига хос муносиб ўринни эгалаб, инновацион маҳсулот ишлаб чиқаришга турлича таъсир кўрсатади.

13. Инновацион фаолиятда меҳнат тақсимоти

Инновацион фаолиятда, бир томондан янги ёки такомиллаштирилган маҳсулотни, шунингдек, янги ёки такомиллаштирилган технологик жараённи яратган инноваторлар турса, иккинчи томонда эса, уни қўллаш асосида янгиёки такомиллашган маҳсулотлар ишлаб чиқарадиган субъектлар туради.

Ушбу субъектлар ўзаро боғлиқ ва улар ўртасида ўзига хос меҳнат тақсимоти мавжуд. Бу йўсиндаги

14. Инновацион фаолиятда меҳнат тақсимотининг аҳамияти

Янги ёки такомиллаштирилган маҳсулотни, янги ёки такомиллаштирилган технологик жараённи яратувчи инноватор ўз ишланмаларини амалиётга бевосита ўзи жорий этиш ҳамда маркетинг ишлари билан шуғулланса, янги ғоя ишлаб чиқиш жараёнининг секинлашиши ёки бутунлай тўхтаб қолиши мумкин. Шу сабабдан ҳам инновацион ғояларни ишлаб чиқарадиган субъектлар билан бир қаторда, янги ғояларни охирига етказиш билан шуғулланувчилар, яъни инновацион тадбиркорларнинг бўлиши ўта аҳамиятлидир. Инновацион тадбиркорлик– инновацион фаолият инфратузилмасининг ажралмас қисмидир.