454 ehtiyot bo‘ling

Ko‘krakdagi Turli Tugunlar:

Emizikli ayolning ko‘kragida bezillab turadigan issiq tugun, 

abssess (infeksiya) bo‘lishi mumkin. Og‘riqsiz tugun - kista yoki 

rak bo‘lishi mumkin.

Hammabop Tibbiyot Qo’llanmasi 2013

505

Ko‘krak Raki

 

 

Ko‘krak raki ayollarda nisbatan ko‘proq uchraydigan hol bo‘lib, 

doim ham xavfl i hisoblanadi. Rakka qilinadigan davoning yaxshi naf 

berib, muvaffaqiyatli davolanilishi, uni birinchi belgilar paydo bo‘lishi bilan 

tez aniqlab, vaqtida tibbiy yordam olinishiga bog‘liqdir. Odatda operatsiya 

qilish kerak bo‘ladi.

Ko‘krak Raki belgilari:

 

•  Ayol ko‘pincha, ko‘krakning mana bu 

qismida o‘sma borligini sezadi.

 

•  Ko‘krakda odatdan tashqari notekis 

joylar yoki apelsin po‘stidek kichik 

chuqurchalar paydo bo‘lishi mumkin.

 

•  Qo‘ltiq limfa bezlari ko‘pincha kattala-

shadi, ammo og‘rimaydi.

 

• Tugun sekin o‘sadi.

 

•  Avvaliga u og‘rimaydi va qizimaydi 

ham. Keyinchalik u og‘rishi mumkin.

O‘Z KO‘KRAKLARINGIZNI TEKSHIRING

 

Har bir ayol, o‘z ko‘kragida rak belgilari 

bor yo‘qligini tekshirishni o‘rganishi kerak. Ayol 

buni har oyda, iloji bo‘lsa hayzi boshlangan 

kundan 10 kun o‘tkazib tekshirib turgani ma’qul.

 

♦ Ko‘kraklar kattaligi yoki hajmidagi har 

qanday o‘zgarishlarni tekshiring. Yuqorida aytil-

gan barcha belgilarni sezishga harakat qiling.

 

♦ Belga qo‘yilgan bolish yoki 

ko‘rpacha ustida yotgan holda bar-

moqlaringiz bilan ko‘kragingizni pay-

paslang. Ko‘kragingizni bosib turib, 

barmoqlaringizni aylantiring. Ko‘krak 

uchidan boshlab, doira shaklida barmo-

qlaringizni ko‘krak osti va qo‘ltiqgacha 

yurgizing.

---

Hammabop Tibbiyot Qo’llanmasi 2013

506

 

♦ So‘ng ko‘krak uchini qising va qon yoki boshqa ajralmalar chiq-

ish-chiqmasligini tekshiring.

 

Agar siz tugun, yoki odatdan tashqari bo‘lgan biror narsa topsan-

giz, tibbiy maslahat oling. Ko‘p tugunlar rak emas, lekin ularni vaqtida 

topib olish muhim. 

QORINNING PASTKI QISMIDAGI SHISH 

YOKI O‘SIMTALAR

 

Odatda qorin kattalashib borishi, bu qorindagi bolaning normal 

o‘sib, borayotganiga bog‘liq bo‘ladi. Odatdan tashqari shish yoki turli 

o‘simtalar quyidagi narsalar natijasida paydo bo‘lishi mumkin:

 

•  tuxumdonning birida kista borligi 

yoki suyuqlik to‘planishi

 

•  bachadondan tashqarida rivo-

jlana boshlagan homila (bacha-

dondan tashqaridagi homilador-

lik) yoki

 

• rak

 

Uchala hol ham oldin og‘riqsiz bo‘ladi yoki bir oz noxushlik tug‘di-

radi, keyinchalik esa, qattiq og‘riy boshlaydi. Ularning hammasida odat-

da operatsiya kerak bo‘ladi. Agar siz har qanday sekin o‘sib borayotgan 

shishni sezsangiz, tibbiy maslahat oling.

Bachadon Raki

 

Bachadon, bachadon bo‘yini yoki tuxumdonlar raki 40 dan oshgan 

ayollarda ko‘proq uchraydi. Birinchi belgilaridan kamqonlik yoki kutilma-

gan qon ketishi bo‘lishi mumkin. Keyinchalik qorin sohasida allanechuk 

noxushlik yoki og‘riqli bo‘rtmacha sezilishi mumkin.