4. Sug’oriladigan yerlarda kuzgi bug’doy hosildorligiga sug’orish tartibini ta’siri doc

Yonbosh (V. ferrugineum). O’zbekiston "Don" IIChBda mahalliy Sanzar-85 navini Suriyadan keltirilgan namuna ( K-17146) bilan chatishtirib, tanlash yo’li bilan yaratilgan. Kuzgi. Boshog’i qizil, qiltiqli, qiltig’i tomonlarga tarvaqaylagan, uzunligi 9-11 sm. Doni yirik, qizil, o’rtacha qattiqlikda, donlarning to’kilishiga chidamli, 1000 don vazni 38,8-45,5g. Sovuqqa va kasalliklarga chidamli. O’simlikning bo’yi 115-120 sm.
1995 yildan Jizzax, Sirdaryo, Qashqadaryo viloyatlarining sug’oriladigan yerlarda ekish uchun Davlat reyestriga kiritilgan.
Intensivnaya (V. ferrugineum). Qirg’iziston dehqonchilik ilmiy tadqiqot institutida Bezostaya va bahori Qozog’iston-126 navlarini chatishtirish va yakka tanlash yo’li bilan yaratilgan. Duvarak, biologik bahori. Qurg’oqchillikka chidamli, doni to’kilmaydi. Qattiq qorakuya bilan o’rtacha zararlanadi. Un shudring, sariq zang kasalliklariga chidamli. Doni o’rtacha kattalikda, 1000 don vazni 35-41,5 g. Non yopish sifatlari yaxshi.
1981 yildan Qashqadaryo, Samarqand, Surxondaryo va Toshkent viloyatlarining sug’oriladigan yerlarda ekish uchun Davlat reyestriga kiritilgan.
Sanzar-4 (V. ferrugineym). O’zbekiston "DON" IIChBda Sidi-Madix x Bezostaya-1 duragay kombinasiyalaridan tanlash yo’li bilan yaratilgan. Duvarak.Biologik kuzgi. Boshog’i prizmasimon, o’rtacha uzunligi 9-11 sm, g’ovak, qiltiqlarining uzunligi 9-10 sm, tarqoq joylashgan, lansetsimon. O’simlikning bo’yi 110-115 sm. Doni yirik, dumaloq-uzunchoq, 1000 don vazni 40,4-44,2 g. Qo’ng’ir zang kasalligiga unchalik chidamli emas. Sovuqqa chidamliligi o’rtacha, qurg’oqchillikka bardoshli, doni boshog’idan to’kilmaydi. Tegirmonbop, non sifati yaxshi.
1990 yildan Respublikaning sug’oriladigan yerlarda kuzgi muddatlarda ekish uchun Davlat reyestriga kiritilgan.
Unumli bug’doy (V. erytkvoleucon). O’zbekiston o’simlikshunoslik ilmiy tadqiqot institutida Hindiston namunasidan (K-45930) yakka tanlash yo’li bilan yaratilgan. Bahori bug’doy, boshog’i prizmasimon, zich emas, yirik. Doni yumaloq-bochkasimon, sayoz ariqchali, yirik 1000 don vazni 40,6-43,4 g. Tezpishar. Qurg’oqchillikka, yotib qolishga va to’kilishga bardoshli. Sariq zang, un shudring, qattiq qorakuyaga chidamli. Qo’ng’ir zang bilan zararlanishga moyil. Non yopish sifati o’rtacha, donida oqsil miqdori (protein)11,3 %, kleykovina 26,0
%.

1983 yildan Respublikaning sug’oriladigan yerlarda kuzgi muddatlarda ekish uchun Davlat reyestriga kiritilgan.