4. Sug’oriladigan yerlarda kuzgi bug’doy hosildorligiga sug’orish tartibini ta’siri doc

Fosfor. Kuzgi bug’doy hayotida fosfor ham katta ahamiyatga ega. U ko’p organik birikmalarning tarkibiga kiradi. Bu organik birikmalar o’sishda, ko’payishda, sintezda, irsiyatni berilishida muhim vazifani bajaradi. O’simlikni
fosfor bilan ta’minlanganligiga juda ko’p fiziologik biokimyoviy jarayonlarni me’yorida o’tishi, yotib qolishga, sovuqqa, qurg’oqchilikka chidamlilik, o’suv davrining davomiyligi bog’liq.
Kuzgi bug’doy azotga nisbatan fosforni kam talab qiladi. Gektaridan 50-60 s don hosili olish uchun o’simlik tuproqdan 65-80 kg fosfor (P₂O₅) o’zlashtiradi.
Kaliy. Kuzgi bug’doy hayotida kaliyning vazifasi xilma xil. U fotosintez me’yorida o’tishiga, yog’larning to’planishiga, o’simliklarda uglevodlarning ko’chib yurishiga, o’simlikning yotib qolishga, shuningdek, sovuqqa va qurg’oqchilikka chidamliligini oshirishga yordamlashadi.
Kuzgi bug’doy kaliyni tuproqdan unib chiqishidan gullash fazasigacha o’zlashtiradi. Kaliyning o’simlik tomonidan eng jadal o’zlashtirilishi naychalash boshoqlash davriga to’g’ri keladi. Kuzgi bug’doy gektaridan 50-60 s don hosili shakllantirishi uchun tuproqdan 115-140 kg kaliy o’zlashtiradi.

2. Sug’oriladigan yerlarda kuzgi bug’doyning davlat reyestriga kiritilgan navlari tavsifi.

Hosildor (Sanzar-8) (V. greacum). Grekum turiga mansub. Nav K-50729 x Bezostaya-1 duragay kombinasiyalaridan tanlash yo’li bilan O’zbekiston "Don" IIChB da yaratilgan. Kuzgi, vegetasiya davri o’rtacha 228 kun, qishga chidamli. Donlarning to’kilishiga va yotib qolishga bardoshli. Qishloq xo’jalik kasalliklari va hashoratlari bilan avvalgi sinov yillari kuchsiz darajada zararlandi, lekin qorakuya bilan kuchli darajada zararlanishga moyil. Boshog’i prizmasimon, o’rtacha uzunlikda va zichlikda. Qiltig’i tarqoq, oq dag’al. Donining 1000 donasining vazni 42,5 g. Donning tegirmonda tortilish va unining non yopish sifatlari yaxshi. Qurg’oqchilikka, zamburug’ kasalliklariga chidamli. Don tarkibida oqsil miqdori 11,2-13,7 %, kleykovinasi-24,0-31,0% IDK 85-95yed.
1996 yildan Respublikaning sug’oriladigan yerlarida kuzgi muddatlarda ekish uchun Davlat reyestriga kiritilgan.