4-sinf I. Dars mavzusi: Patnis ichiga naqsh ishlash. II. Maqsad va vazifalar

4-SINF


I.Dars mavzusi: Patnis ichiga naqsh ishlash.
II. Maqsad va vazifalar:
a) ta’limiy maqsad: o’quvchilarga patnis ichiga naqsh ishlashni tushuntirish, patnis yoki doira ichiga ishlangan naqshlar haqidagi tushunchalarni kengaytirish;
b) tarbiyaviy maqsad: tabiatni sevishga, uni kuzatishga, undagi ketma-ketlikni aniqlashga o’rgatish;
c) rivojlantiruvchi maqsad: o’quvchilarni tasviriy malakalari, chizish, rang tanlash, bo’yash, tabiatni estetik idrok etishni rivojlantirish.
III. O’quv jarayoni mazmuni: o’quvchilarga naqsh va doira ichiga naqsh chizish haqidagi tushunchalarini bilib o’rgatish. Suhbat orqali mavzuni yoritish. O’tilgan mavzuni yodga olish, o’xshashligini aniqlash. Naqshlar yuzasidan suhbat o’tkazish. Naqshlardagi yorqin ranglar tabiatdagi meva va uning guli, bargidan olingan ketma-ketlik ekanligini yoritish.
IV. O’quv jarayonini amalga oshirish texnologiyasi:
Uslub: suhbat, ko’rsatish, ijodiy ish.
Shakl: mustahkamlovchi.
Darsning jihozi: Naqshlardan namunalar. Kitobdan, me’moriy obidalardan foydalanish.
Turi: Dekorativ kompozitsiya.
V. Kutilayotgan natijalar: Mavzuni ustalar tomonidan chizilgan naqsh namunalari, naqsh bilan ishlangan tayyor mahsulotlarga ishlangan bezaklar misolida savol-javob o’tkazish:
- Naqsh nima?
- U nimalarga ishlanadi?
- Qanday naqsh turlarini bilasiz?
Naqsh-arabcha tasvir, gul degan ma’noni bildiradi. Naqshlar o’simliklar, hondaviy belgilar takrorlanishidan hosil qilinadi.
VI. Kelgusi rejalar, tahlil va o’zgarishlar:
O’quvchilarga naqsh chizishning o’ziga xos xususiyatlari, uning ahamiyati bilan tanishtirish. Tarixiy obidalar, uy-ro’zg’or jihozidagi naqshlar tahlili orqali dars tushuntiriladi.
Turli xil naqshlar chizilgan rasmlar kuzatiladi. Birinchi bosqich naqsh chizib ko’rsataman. Keyingi bosqichda asosiy naqsh bo’yalib bo’ladi. So’ngra naqsh hoshiyasi ishlanadi. Oxirgi bosqichda naqsh bo’yaladi. Amaliy mashg’ulotda o’quvchilar namunaga asoslanib patnis ichiga naqshni ishlaydilar. O’quvchilar ishlarini kuzatib, amaliy ko’mak beraman. Naqshni bo’yashda yorqin ranglardan foydalaniladi.

O’quvchilarni baholash, savollar orqali mavzuni mustahkamlash.

Darsga yakun yasash.
- Naqshni turlarini ayting?
- Naqsh nima degani?
- Naqshni gullari, ranglari nimalarga asoslangan?
Amaliy mashg’ulotni yaxshi bajargan o’quvchilarni ishlari namoyish etiladi va tahlil qilinadi. Darsga yakun yasaladi.