4-sinf I. Dars mavzusi: Kurash. II. Darsning maqsadlari

4-SINF

I. Dars mavzusi: Kurash.

II. Darsning maqsadlari:
a) ta’limiy maqsad: o’quvchilarga kurashning tarixi va qonun-qoidalari to’g’risidagi ma’lumotni to’la yetkazish;
b) tarbiyaviy maqsad: o’quvchilarda vatanparvarlik, milliy sport turi hisoblangan kurashga nisbatan mehr-muhabbat tuyg’ularini tarbiyalash;
c) rivojlantiruvchi maqsad: o’quvchilarni mustaqil va erkin fikrlashini o’stirish, dunyoqarashini kengaytirish, jismoniy barkamolligini takomillashtirish.
III. Asosiy tushuncha va atamalar: kurash, o’zbek milliy sport turi, polvon, mardlik, pahlavonlik, epchillik, “ Kurash federatsiyasi” va hokazo.
IV. O’quvchilar egallashi lozim bo’lgan BKM elementlari:
Bilimlar:
- kurashning qanday sport turi ekanini bilish;
- dong taratgan o’zbek polvonlari kimligini bilish;
- kurash assotsatsiyasining qachon tashkil etilganini bilish;
- kurash bo’yicha jahon chempionatlari qachon bo’lib o’tganini bilish;
Ko’nikma va malakalar:
- kurashning tarixi haqida gapirish;
- bugungi kunda yetishib chiqayotgan jahon chempionlari haqida gapirish;
- Angliyaning Bedford shahrida o’tkazilgan kurash turniri haqida to’xtalish.
V. Darsning metodlari: aqliy hujum,
VI. Dars shakli : suhbat, amaliy mashg’ulot
VII. Dars usuli: noan’anaviy
VIII. Darda qo’llaniladigan vositalar: 4-sinf “Jismoniy tarbiya” darsligi, mavzuga oid rasmlar.
IX. Darsning borishi:
1. Tashkiliy qism: salomlashish, yo’qlama qilish, sport yangiliklari haqida suhbat.
2. O’tilgan mavzuni takrorlash. O’tilgan mavzu: Dzyudo.
Takrorlash yuzasidan savollar:
1. “Dzyudo” so’zining ma’nosi nima?
2. Dzyudo qanday sport turi?
3. O’zbekistonga dzyudo qachon kirib keldi?
4. Osiyo chempionatida faxrli o’rinlarni qo’lga kiritgan dzyudochilarni sanang.
X. Yangi mavzu bayoni:
Aqliy hujum: Poyga qilaman, poyini o’zdirganga tegaman; kurashda alplarning barini yiqqanga tegaman; yoy tortishsa, yoyi sinmay qolganga tegaman; ming qadamdan tanga pulni urgan qirag’ay merganga tegaman. ( Alpomish dostonidan). Bolajonlar, “ kuragi yerga tegmagan pahlavon “ deganda nimani tushunasizlar?