4-modul. Innovatsion izlanishlarda-ilmiy tadqiqot va tajrnba konstruktorlik ishlarini (ittki), tashkil yetish

9.2. 4.3.2.Innovatsion texnologiyalar asosida ishlab chiqarishning tashkiliy-texnikaviy darajasini tahlil qilish va uning istiqboli.
Jahon axborot xizmatlari bozori. Jahon axborot xizmatlari sektorining shakllanishida Internetning xizmat roli kattadir. U alohida industriya, ish o‘rinlari manbai, elektron biznes asosi, individual va korporativ iste’molchigacha axborot yetkazish vositasi bo‘lib xizmat qiladi. Bu hodisa ko‘lami, mohiyati chindan ham ulkan. Turli tahlilchilarning bahosicha, Internet – industriyasi umumiy aylanmasi 7trln. dollardan (2004 y.) ko‘proqni tashkil qiladi.
Internetga keng qutbli kirish o‘ylab innavatsion servislar uchun asos yaratadi. Talab bo‘yicha video, interfaol ko‘ngil ochish, bilimni boyitadigan interfaol dasturlarga kirish, odatdagi video darajasidan yuqoriroq sifatga erishish shular jumlasidandir. Yana bu texnologiyalar ertangi kunniki emas, balki bugunniki. Internet personal kompyuterlar va mobil qurilmalar sonining oshishiga, unga ulanishga imkon beradi.
Gartner Dataguest ma’lumotlariga ko‘ra, 2000 yil noyabrdan boshlab xosting (Webga axborot joylashtirish bo‘yicha xizmatlar) tarmoqda ishchanlik faoliyatini taraqqiy etishga olib keldi. Eng avvalo butun elektron kommersiya katta rol o‘ynay boshladi. AQSh xosting bozorida tez o‘sish kutilgandi – 1999 y. 2,1 mlrd. dollar. 2000 y. 2,8 mlrd. dollar, 2004 y. 9,3 mlrd. dollardan ko‘proq.
Garther Dataguest xostingni ma’lumotlarni saqlash uchun uskunalar yetkazib beruvchi va ma’lum o‘tkazish qobiliyatga ega kanal sifatida xarakterlaydi. Shuningdek turli darajadagi ma’muriy va boshqaruv xizmatlari jamlangan ma’lum disklar kengliklariga ega.
O‘zbekistona bu sohani rivojlantirishda xorijiy kompaniyalarni tajribalaridan foydalanish imkoniyatlari mavjud. Xosting provayder tomonidan maxsus xosting kompaniya xizmatlari bilan bir qatorda taqdim etilishi mumkin. Elektron kommersiya taraqqiyoti natijasida bu bozorning sezilarli o‘sishni kutish mumkin. Bunda ham ulgurji, ham chakana bozor taraqqiyoti ko‘zda tutilmoqda. Ya’ni servis provayderlar servisni ulgurji tarzda boshqa servis- provayderga sotishlari mumkin. Ular o‘z navbatida oxirgi foydalanuvchilarga xizmat ko‘rsatadilar. Mazkur bozor tarmoqda amaliy servis taqdim etuvchi kompaniyalar hisobi saqlanib turadi.