4. Mimika, chaynov muskullari va ko’z, og’iz, quloq muskullari plastikasini ifodalovchi tasvirlar bajarish. Mimika muskullari. Peshana muskuli

4. Mimika, chaynov muskullari va ko’z, og’iz, quloq muskullari plastikasini ifodalovchi tasvirlar bajarish.
Mimika muskullari. Peshana muskuli. Peshana terisi ostida o’z jufti bilan yonma-yon bo’lib tik yotadi. Yuqorida deyarli qo’zg’almaydigan kalla suyagi aponevrozidan boshlanadi. Kalla suyagi aponevrozi - bosh shaklida bo’ladigan paydan iborat plastinka-yuqoridan boshni o’rab, orqada ensa muskullariga, ikki yon tomonda quloq muskullariga, oldingi tomondan peshona muskullariga aylanib ketadigan «pay do’bilg’adir». Peshana muskuli pastda qosh terisiga birikadi.

Tinchlik holati. Peshana silliq, qoshlar past tushgan, yuqori qovoqning cheti ko’z qorachig’ining yuqori cheti damida yotadi (ko’z qorachig’i ko’zning rangli qismi - rangdor pardasidagi teshik).
Diqqat ifodasi. Peshana muskullari sal qisqargan, qoshlar andak yuqori ko’tarilgan, peshanada mayda ajinlar yuzaga kelgan ko’zlar odatdagidan ko’ra sal kattaroq ochilgan bo’ladi, qovoq larning yuqori c hetlari ko’z qorachig’larining chetlari bilan rangdor pardalarining chetlari orasida yotadi. Ko’zlar katta-roq ochilganligi sababli ular birmuncha yaltirab turgandek bo’lib ko’rinadi, bu harakat tez bo’lib o’tganda turmushda: «ko’zlari yiltillab ketdi» deb aytishadi. Kishining yuzi diqqat qilinayotgan ifodaga kiradi.
H ayrat ifodasi. Peshana muskuli ko’proq qisqargan, qoshlar yuqoriroq ko’tarilgan, peshanadagi ajinlar keskinroq bilinib turadi, ko’zlar kattaroq ochilgan, yuqori qovoq cheti rangdor parda chetida turadi.


Piramidasimon muskul (takabburlar muskuli). Ikkala qosh o’rtasida o’z jufti bilan yonma-yon yotadi. Pastda bu muskul burun suyagiga, yuqorida qoshning ichki uchidagi teriga birikadi. Qoshlarni chimiruvchi muskul (og’riq muskuli). Ikkala muskul qanshardan boshlanib, o’ng va chap tomonda qoshlar terisi ostida boradi va qoshlarning o’rtasidagi teriga birikadi.
K o’zning doiraviy muskuli ko’z kosalarining oldingi tomonida, uning suyak chetlarida, ko’z atroflari va qovoqlarda joylashgan. Ikkita qismdan: ko’z qovog’iga va ko’z kosasiga aloqador kismlardan tashkil topgan.