4. Mimika, chaynov muskullari va ko’z, og’iz, quloq muskullari plastikasini ifodalovchi tasvirlar bajarish. Mimika muskullari. Peshana muskuli

Kulgi, ya’ni katta yonoq muskuli. yonoq suyagidan boshlanib, pastga va ichkariga qarab boradi va burun-lab burmasi (ikkala tomonda burun qanotlaridan og’iz burchaklariga qarab boradigan teri burmasi, odam kulib turganida va yig’layotganida ayniqsa seziladigan bo’ladi)ning pastki cheti orqali o’tib, og’iz burchagiga birikadi (26-rasm). Yuqori labning kvadrat muskuli - yig’i muskuli. Ko’z kosasining pastki chekkasidan boshlanadi, tolalari burun-lab burmasi orqali pastki tomon boradi va yuqori labning o’rtasiga tutashib ketadi; ichki tolalarining bir qismi burun qanotiga tutashib ketadi.
Burun muskullari. Burunning qirrasida egarga o’xshab yotadigan umumiy payi bor. Bu muskullar ikkala tomondan pastga tushib keladi va burun yon yuzasining terisiga tutashib ketadi (27- rasm).
Og’izning doiraviy muskuli. Toq muskul bo’lib, og’iz teshigi atrofidagi terida kontsentrik tolalar ko’rinishida yotadi. Ikki qismdan - ichki va tashqi qismlardan iborat. Ikki qismi og’izni o’rab turadi va lablarning pushti jiyagi tagida hamda unga yonma-yon bo’lib yotadi; tashqi qismi ichki qismini o’rab turadi.
Og’izning uchburchak muskuli - nafratlanish muskuli. Uning serbar asosi pastki jag’ning yon yuzasidan boshlanadi, ingichka uchi yuqoriga tomon ko’tarilib boradi va og’iz burchagiga tutashib ketadi.
Pastki labning kvadrat muskuli - jirkanish muskuli. Engakning sn gozasidan (bundan oldingi muskuldan ichkari tomondan) boshlanadi, yuqoriga ko’tarilib boradi va pastki labga tutashib ketadi.
CHaynov muskullari.
Asl chaynov muskuli (26-rasmga qarang) yonoq ravog’idan boshlanib, pastga va bir oz orqaga tomon boradi va pastki jag’ burchagiga birikadi.
CHakka muskuli (26-rasmga qarang). CHakka chuqurchasida yotadi va shu chuqurchadan boshlanadi. Bu muskul yelpug’ichsimon - yuqori tomoni serbar bo’lib, pastki tomoni ingichka payga aylanib boradi, bu pay kalla devori bilan yonoq ravog’i orasidan o’tadi va pastki jag’ning tojsimon o’simtasiga birikadi.