4 мавзу: Ўзбекистон Республикасининг бозор муносабатларига ўтиш концепцияси ва стратегияси. Режа

«Ҳаракатлар стратегияси» беш босқичда, Ўзбекистонда ҳар бир йилга бериладиган номлардан келиб чиқиб қабул қилинадиган Давлат дастурлари асосида амалга ошириб борилиши назарда тутилган.
Ўзбекистон Республикаси Президенти бошчилигида Ҳаракатлар стратегиясини амалга ошириш бўйича Миллий комиссия ҳам тузилган бўлиб, изчил фаолият кўрсатмоқда.
Шунингдек, ҳар йилги Давлат дастурларига киритилган тадбирларни тўлиқ, ўз вақтида ва сифатли бажарилишини Ҳаракатлар стратегиясидаги бешта йўналишининг ҳар бири бўйича тузилган комиссиялар назорат қилиб боради.
Айни вақтда беш йилга мўлжалланган Ҳаракатлар стратегиясини амалга оширишнинг тўртинчи йили якунига етиб бормоқда.
Ўзбекистон ижтимоий-иқтисодий ривожланиш ҳолати
2030 йилгача Ўзбекистонни ижтимоий-иқтисодий ривожлантириш концепциясида макроиқтисодий барқарорликни ва иқтисодий ўсиш барарорлигини таъминлаш, иқтисодиёт тармоқларининг рақобатбардошлигини, инвестицион ва экспорт салоҳиятини ошириш, тадбиркорликни ривожлантириш ва ҳимоя қилиш учун қулай шарт-шароитлар яратиш, меҳнат бозорида кескинлик даражасини пасайтириш, аҳоли даромадлари ўсиши ва кам таъминланганликни қисқартириш назарда тутилади.
2030 йилгача Ўзбекистон Республикасини комплекс ижтимоий-иқтисодий ривожлантириш мақсадида мамлакатда амалга оширилаётган 2017–2021 йилларда Ўзбекистон Республикасини ривожлантиришнинг бешта устувор йўналишлари бўйича Ҳаракатлар стратегиясига, Ҳукуматнинг молиявий-иқтисодий муносабатларнинг барча жиҳатларини ислоҳ қилиш, тармоқлар ва ҳудудларнинг иқтисодий салоҳиятини ошириш ва ижтимоий масалаларни ҳал этиш билан боғлиқ қабул қилинган қарорларига асосланади. Узоқ муддатли истиқболда иқтисодиётнинг барқарор ривожланишини чеклайдиган мавжуд ижтимоий-иқтисодий муаммоларни, хавф-хатар ва таҳдидларни ҳал этиш, шунингдек, иқтисодиёт ва ижтимоий соҳанинг ҳозирги ҳолатидан барқарор ривожланишга ўтишнинг мақсадлари ва устуворликларини белгилаш ва аҳоли ҳаёт даражасини ошириш билан боғлиқдир.
Мамлакатимиз иқтисодиётининг барқарор ривожланишига салбий таъсир кўрсатадиган потенциал хавф-хатар ва таҳдидларни таҳлил қилиб, хавф-хатарларни таҳлил қилишнинг асосий хулосалари қуйидагиларга бўлиш мумкин: