4-амалиёт машғулоти Оддий стрелкали ўтказгични изли ва ўқ чизиқли чизиш. Амалиёт машғулоти бажаришдан мақсад

4-амалиёт машғулоти
Оддий стрелкали ўтказгични изли ва ўқ чизиқли чизиш.
Амалиёт машғулоти бажаришдан мақсад: Талабаларга оддий стрелкали ўтказгични изли ва ўқ чизиқли чизишни ўргатиш.
Оддий стрелкали ўтказгич (4.1-расм) икки йўлни ўзаро улаш учун хизмат қилади. У ўнг ёки чап томонли бўлиб ён йўлни тўғри йўлдан у ёки бу томонга оғдиришда қўлланади. Ушбу турдаги ўтказгичлар темир йўлларда энг кўп қўлланади. Стрелкали ўтказгич таркибига стрелка, крестовина ва контррельслар, уларни ўзаро боғловчи қисмлар, ҳамда ўтказгич шпаллари тўплами киради.
Стрелка икки рама рельслари, икки айрилар ва ўтказиш механизмидан иборат бўлиб, ҳаракатланувчи таркиб ғилдиракларини тўғри ёки ён йўлга йўналтиришга имкон беради. Айрилар ўзаро кўндаланг стрелка тортгичи билан бирлаштирилиб, унинг ёрдамида бир айри рама рельсига зичлаб тақалса, иккинчиси рама рельсидан ғилдирак гардиши ўркачининг эркин ўтиши учун етарли масофага қочирилади.

Стрелкали ўтказгичнинг геометрик элементлари:
а) ўтказгичнинг излар билан кўрсатилган чизмаси; б) ўтказгичнинг йўл ўқлари билан кўрсатилган чизмаси
Айрилар бир ҳолатдан бошқасига махсус стрелка узатмасининг (привод) тортгичи орқали ўтказилади. Айрилари узун бўлган ётиқ стрелкали ўтказгичларда айрилар икки тортгич орқали ўтказилади. Узатма айриларни у ёки бу ҳолатда қулфлайдиган ва уларнинг рама рельсларига зич тақалишини назорат қиладиган ускуналар билан жиҳозланади
Айрининг ўткир томони унинг тиғи (остриё), охирги томони эса – ўзаги деб аталади. Ўзак маҳкамлагичлари айрининг горизонтал текислик бўйлаб бурилиб ёндош рама рельсига тақалишига имкон беради.
4.1-жадвал
Стрелкали ўтказгичларнинг асосий ўлчамлари

Крестовина маркаси	Крестовина бурчаги	Расстояния						Стрелка ўтказгични тулик узунлиги
		Рама релс бошидан остряк бошигача	Остряк бошидан стрелка ўтказгич марказгача	Рама релс бошидан стрелка ўтказгич марказгача	Стрелка ўтказгич марказидан узакни математик марказгача	Узакни математик марказидан узакни охирги стыкгача	Стрелка ўтказгич марказидан узакни охиргача