36 хитой стратагемаси: ҳарбий ҳийлалар ва иқтисодий муваффақият сирлари Масъул муҳаррир

2-ҳикоят. Қадимда Хитойдаги ҳукмронлик Чжоу сулоласига ўтгач, император қариндоши Тай-гун давлатнинг шарқий вилоятларидан бирига ҳоким этиб тайинланди. Ўлкага етиб боргач, Тай-гун ўзига маслаҳатчи бўла оладиган ўша ернинг эътиборли кишилари ҳақида суриштира бошлади. Унга ўзининг хайрли амаллари ва кенг билими билан машҳур бўлган дарвешона яшайдиган қандайдир бир зоҳидни кўрсатдилар. Тай-гун унга уч марта мулозимлари орасидан маслаҳатчик лавозимини таклиф қилади. Бироқ у одам қатъий рад жавобини бераверади. Шунда Тай-гун ўша зоҳидни жазолашни буюради.
Бу ҳодиса ҳақида Чжоу подшосининг доно вазири Чжоу-гун эшитади. У тезда Тай-гуннинг ҳузурига етиб келади ва уни койишни бошлайди: “Қандай қилиб ўз ерига кела солибоқ, ўша ўлканинг машҳур эрларидан бирини қатл қилиш мумкин?”
- У одам, - деб жавоб берди Тай-гун. – менга: “Мен подшога хизмат қилмайман ва ҳокимларга бўйсунмайман. Ўз еримни экаман, ўз қудуғимдан сув ичаман ва бировдан бирон нарса сўрамайман” деб айтди. Мен бу одам ўз хулқ-атвори билан вилоятда тартибсизлик уруғини ёяди ва одамларни ҳокимиятга бўйсунмасликка ўргатади деб қўрқдим. Шунинг учун биринчи уни қатл қилдирдим.
Хуллас бу воқеада “ўғри” – подшо ва ҳокимга бўйсунмайдиган зоҳид. У қонунга бўйсунмаслиги билан бутун бир вилоятда тартибсизликни келтириб чиқариши мумкин. Шунинг учун Тай-гун уни қатл қилдириб, воқеалар кенг тус олишининг олдини олди.


Йигирма учинчи стратагема: Узоқдаги билан дўст бўлиб яқиндаги билан жанг қилиш


Географик сабабларга кўра яқиндаги душманларни
босиб олиш, узоқдагисидан кўра фойдалироқ. Шунинг учун сиёсий
қарашларнинг фарқ қилишига қарамай, вақтинчалик узоқдаги
душман билан иттифоқ тузиш керак.
“36 стратагема”дан
Изоҳ: Кўп томонлар иштирок этадиган урушда ҳар бир томон ўз фойдасини кўзлайдиган ҳар хил иттифоқлар вужудга келади.
Узоқдаги душманга қарши уруш олиб бориш қийин, у билан иттифоқ тузиш эса осон. Агар яқиндаги шерик билан иттифоқ тўсатдан бузилса, мағлубиятга учраш хавфи пайдо бўлади.