30. Amaliy mashg'ulot mavzu: Eshitish va vestibulyar analizatorlarni tekshirish usullari. Eshitish analizatori

№ 1 tajriba: ESHITISH O'TKIRLIGINI ANIQLASH. Audiometriya.
Maqsad: Eshitish o'tkirligini audiometr vositasida aniqlash usullarini o'rganish va ularning klinik ahamiyatini o'zlashtirish.


Ishni o'zlashtirish uchun zarur: audiometr
ISHNI BAJARISH TARTIBI
Bu zamonaviy aniq usul hisoblanib, keng diapozonda turli xil tonlarni quloq va suyak orqali eshitishni aniqlash imkonini beradi. Ish audiometr op-2 vositasida bajariladi. Audiometr op-2 tovush generatori bo'lib, 125 dan 8000 gersgacha bo'lgan to'lqindagi tovushlar kuchini o'zgartirib beradi va turli kuchdagi shovqinlarni yarata oladi. Asbob tarkibida quloqqa tutiladigan tovush bergich va tekshiriluvchi xabar beradigan tugmacha – kalit bo'ladi.
Tekshirishdan 5-10 minut oldin asbob tok manbaiga ulanadi. Asbobni oldindagi maxsus qismiga diagramma qog'ozi (9x14sm.) o'rnatiladi. Diagrammani ordinat o'qida tovushni kuchi (yuqoridan pastga. -10; 0; +10; .. +100 db. bilan) berilgan. Abssissa o'qi bo'yicha tovush tonlari (125, 250, . . . 8000 Gers gacha) berilgan. Diagrammaga tekshiriluvchi pasport ko'rsatgichlari va olingan natijalar yoziladi.
Tekshiriluvchi qulog'iga asbobning tovush eshitgichini taqadi. Kalitni o'ng quloqdan eshitishga moslanadi. "Ton-Shovqin" kaliti tonga qo'yiladi. Tovush chastotasini o'zgartiruvchi "dasta" - vertikal pilakcha diagrammani 125 Gers chizig'i ustiga qo'yiladi. Tovush kuchini o'zgartiruvchi dasta - gorizontal pilakcha - 10 db. ga qo'yiladi va uni tovush eshitilguncha sekin pastga tushiriladi. Tovush eshitish bilan tekshiriluvchi tugmani bosib xabar bergach (lampochka yonadi) pilakcha to'xtatilib, undagi teshik orqali diagrammaga nuqta qo'yiladi. So'ngra pilakcha yana yuqoriga ko'tarilib, vertikal pilakcha 250 gersga surilib, yana yuqoridagi usulda gorizontal pilakchani tovush eshitilguncha pastga tushiriladi. Shu tariqa ish hamma chastotalarda bajariladi. Bu chap quloqda ham bajariladi. Qo'yilgan nuqtalarni bir-biri bilan birlashtirib, o'ng va chap quloqlarni audiogrammalari olinadi. Egri chiziqlar yuqorida bo'lsa, eshitish o'tkirligi yuqori, pastda bo'lsa, aksincha ekanligi kuzatiladi.
Turli audiometrlar sxemasi va audiogrammalar chiziladi. Natijalar yoziladi va xulosa beriladi.