3-tema. Ilimiy-publicistikalıq stilde arnawlı atamalar Jobası

2. Ilimiy- publicistikalıq stilde arnawlı atamalardıǹ qollanılıwı
Arnawlı terminlerdi klassifikaciyalawda eń birinshi gezekte, olardıń sózlik quramı sheklengen leksikalıq birlikler ekenligi, funkcionallıq-stillik jaqtan ilimiy-texnikalıq stilge tán, sol tarawda arnawlı túrde talap qollanılatuǵınlıǵı ece tutılıwı shárt.
Jámiyetlik turmıs, adam iskerligi,ilim hám texnika tarawları arnawlı shaqapshalar menen sheklenbeydi. Olar oǵada kóp tematikalıq topardan turadı. Hár qanday tematikalıq topar ózine tán usı tarawda aktiv qollanılatuǵın terminologiyaǵa iye. Ádette, arnawlı terminler turmıcıń bir tematikalıq tarawında sáykes uǵımınıń definitivlik ataması retinde qabıl etiledi. Kúndelikli turmısımızda qollanılıw zárúrliginiń jaǵdayına qaray, ol ótkinshi bir tematikalıq terminologiyada ózgeshe anıqlawshısı xızmetinde de paydalanıwı múmkin. Buǵan uǵımnıń til faktleri tolıq dálil bola aladı. Buwın fiziologiyalıq termin retinde adamnıń, haywanlardıń, janlı maqluqlardıń súyekleriniń baylanısqan, túyisken jeri, biologiyada ósimliklerdiń buwazaǵı tuwralı uǵımdı anıqlasa, lingvistikada buwın qurawshı element penen oǵan qosımsha bólsheklerden turatuǵın sóz bólegi, yaǵnıy sózdiń sóylew protsessinde tábiyqıy túrde sóylew aǵımı tiykarında payda bolatuǵın bólegi degen uǵımdı ańlatadı.