3-Мавзу: су/урта атамалари ва тушунчалари

«Мадад» суғурта агентлиги

Ўзбекистон Республикаси суғурта тизимидаги «Мадад» суғурта агентлигининг асосий вазифаси хусусий тартибда иш олиб борувчи кичик ва хусусий бизнесни қуллаб-қувватлаш, тадбиркорларга имтиёзли кредит бериш билан алоқадор суғуртанинг бошқа турларини амалга оширишдан иборатдир.

Агентлик фаолиятининг асосий йўналишлари қишлоқ хўжалиги махсулотларини қайта ишлаш, фермер хўжалигини ривожлантириш, бинокорлик индустрияси, махаллий саноат, туризм, хизмат курсатиш доиралари томонидан тақдим қилинадиган инвестиция лойихаларини бахолаш ва экспертизадан ўтказиб, бизнес фонд хисобидан кичик бизнес ва хусусий тадбиркорларга имтиёзли шартлар билан кредит беришга тавсия қилишдир.
Шу билан бирга агентлик имтиёзли шартлар асосида тадбиркорларни суғурта қилади. Ўз вақтида қайтарилмаган кредитларни қайтаришга ёрдам беради, хорижий инвестицияларни суғуртавий химоя қилиш ва бошқа суғурта хизматларини амалга оширади.
«Мадад» суғурта агентлиги тақдим қилинган лойихаларни кўриб чиқиш ва ҳаридорларга қулай шарт-шароитлар яратиш мақсадида 10 дан ортиқ консалтинг фирмаси билан ҳамкорликда иш олиб боради.
«Мадад» суғурта агентлиги республикамиз минтакаларида ўзининг 13 филиалига эга бўлиб, бу орқали фуқаролар ва юридик шахсларга нисбатан олган мажбуриятларини ўз вақтида амалга оширишга ҳаракат қилмокда.


«Ўзбекинвест» экспорт-импорт миллий суғурта компанияси
1997 йил 18 февралда эълон қилинган Президент Фармони асосида ташкил қилинган «Ўзбекинвест» экспорт-импорт миллий суғурта компанияси 1994 йил 21 январда таъсис қилинган «Ўзбекинвест» миллий суғурта компаниясининг мулкий ва номулкий хуқуқ ва мажбуриятлари бўйича хақиқий вориси бўлиб, республикамиз суғурта ташкилотларининг халқаро миқёсдаги суғурта тадбирларини амалга оширишга қаратилган навбатдаги жиддий қадамдир.
«Ўзбекинвест» экспорт-импорт миллий суғурта ташкилотининг асосий мақсади республика иқтисодиётида экспорт ташишни янада рагбатлантириш, экспорт қилувчиларни суғуртавий химоя қилишни таъминлаш, хорижий мамлакатлар инвесторлари билан алоқа қилувчи узбек инвесторларининг фаолиятини кучайтириш, иқтисодиётнинг устивор тармоқларга жалб этилаётган чет эл инвестицияларини комплекс суғуртавий химоя қилишдан иборат.
Компаниянинг ўзига хос хусусиятларидан бири инвестицияларни фақат иқтисодий хавф-хатарлардангина эмас, балки сиёсий хавф-хатарлардан (уруш, инқилоб, фуқаролар галаёни, пул утказишни чегаралаш ва бошқалар) ҳам химоя қилади. Шу муносабат билан хорижий мамлакатларда суғуртанинг бу турига қизиқиш кучаймоқда.
Компанияга бош директор рахбарлик қилади ва директорлар кенгаши муҳим масалаларни мухокама қилиб тавсиялар беради. Компаниянинг вилоятларда ҳам бўлимлари мавжуд. Марказий бошқармада умумий хавф-хатарлар, стратегик ривожланиш, молиявий хавф-хатар, халқаро бўлимлар мавжуд.
Ташқи иқтисодий соҳа Ўзбекистон иқтисодиётининг энг жўшқин ривожланаётган тармоги хисобланади. Шу муносабат билан хозирги босқичда ташқи иқтисодий фаолиятни экспорт-импорт операциялари, хорижий инвестициялар иштирокидаги қўшма корхоналар мол-мулки, халқаро юк ташувчиларни масъулияти, хорижий пудратчилар иштирокидаги қурилишни суғурталаш ва шу кабилар компаниянинг асосий йўналишларига айланмокда.
Компаниянинг «Ўзбекинвест» Интернейшнл Ишнуранс ЛТД қўшма корхонаси томонидан чет эллик савдо компанияларига бериладиган суғурта хизматларининг йўналишлари қуйидагилардан иборат:
- сармояни суғурталаш;
- савдо суғуртаси.
«Ўзбекинвест» бош компанияси ва унинг ҳудудий идоралари бўйича қуйидаги суғурта хизматлари тақдим этилмокда:
- экспорт қалтисликларини суғурталаш, мусодара, трансфер кечикиш, эмбарго жорий этиш, шартларни бажаришдаги тусқинликлар ва бошқалар;
- қурилиш-монтаж ишларини суғурталаш;
- юкларни суғурталаш;
- авиация воситаларини суғурталаш;
- автотранспорт масъулиятини суғурталаш;
- ҳаёт ва саломатликни суғурталаш.