3-Мавзу: су/урта атамалари ва тушунчалари

«Кафолат» давлат акциядорлик суғурта компанияси

Шаҳар корхоналари ва аҳолиси билан қишлоқ корхоналари ва аҳолисининг иқтисодиёти ва турмуш шароити бир хил бўлмагандек улардаги суғурта объектлари, хатто суғурта ходисалари ҳам бир хил эмас, бир-биридан фарқ қилади. Шу муносабат билан шаҳар ва қишлоқ жойларида суғурта ишларини ташкил қилишда уларни хусусиятларини эътиборга олиш талаб этилади, чунки саноат ва қишлоқ хўжалик корхоналарининг мол-мулки меҳнат шароити бир хил булмагандек хонадонлардаги уй-рузгор анжомларининг ҳам ўз хусусиятлари бор. Ана шу хусусиятларни кўзда тутиб республика Вазирлар Маҳкамаси шаҳар ҳудудида жойлашган юридик ва жисмоний шахсларга суғурта хизматларини кўрсатиш мақсадида «Кафолат» давлат акциядорлик суғурта компаниясини ташкил этди. Унинг асосий вазифалари қуйидагилардан иборат:

- шаҳар жойларида аҳоли ҳаётини, саломатлигини ва мол-мулкини суғурта қилиш;
- корхоналар, ташкилотлар ва муассасалар мол-мулкини суғурта қилиш;
- юридик ва жисмоний шахсларнинг молиявий ва тадбиркорлик таваккалчиликлари суғуртасини амалга ошириш;
- конунда кузда тутилган суғуртанинг мажбурий турларини амалга ошириш;
- қайта суғурта операцияларини амалга ошириш, суғуртавий маслахат хизматларини курсатиш;
- махаллий шароитларни хисобга олиб, суғуртанинг янги турларини жорий қилиш;
- суғуртанинг қонунчилик хужжатларида ва хукумат қарорларида назарда тутилган мажбурий турларни амалга ошириш.
Суғуртанинг мажбурий турларига фуқаролар мол-мулки, транспорт воситалари эгаларининг фуқаролик жавобгарлиги, йуловчилар суғуртаси, Ўзбекистон темир йуллари тизими ходимлари, парвозларда иштирок этувчи ходимлар, оддий аскарлар ва бошқалар таркибига кирувчи ҳарбий хизматчиларни ва ҳарбий хизматни уташга мажбур шахсларни суғурталаш турлари киради.

«Кафолат» давлат акциядорлик суғурта компанияси ижро этувчи аппаратининг тузилмаси
1.	Бош директор
2.	Биринчи ўринбосар
3.	Ўринбосар
4.	Шаҳар аҳолисини суғурталаш бўлими
5.	Корхоналар жавобгарлиги ва мол-мулкни суғурталаш бўлими
6.	Прогнозлаш, молия ва инвестиция бўлими
7.	Юридик хизмат бўлими
8.	Канцелярия бўлими
9.	Ходимлар бўлими
10.	Маъмурий хўжалик бўлими