3-мавзу. Мустақил Ўзбекистон Республикасининг ташкил топиши ва унинг тарихий аҳамияти

1991 йил 8 ноябрда Олий Кенгаш VIII сессияси Ўзбекистон Республикаси референдумини ўтказиш тўғрисида қарор қабул қидди. Шунга мувофиқ, 1991 йили 29 декабрда “Сиз Олий Кенгаш томонидан Ўзбекистон Республикаси мустақил давлат деб эълон қилинишини маъқуллайсизми?”-мавзуида референдум ўтказишга катта тайёргарлик кўрилди. Референдумни уюшқоқлик билан ўтказиш мақсадида Марказий сайлов комиссияси 13 округ, 7 минг участка сайлов комиссиялари тузди. Улар жойларда Референдум ўтказиш ҳақида”ги қонуннинг сўзсиз бажарилишини таъминлаш борасида катта ташкилотчилик ишлари олиб бордилар. Умумхалқ референдумига 9 миллион 898 минг 707 киши, ёки сайлов рўйхатига киритилганларнинг 94,1 % қатнашди. Ўзбекистон Республикасининг мустақил давлат деб эълон қилинишини ёқлаб 9 миллион 718 минг 155 киши ёки референдумда қатнашганларнинг 98,2 % овоз берди. Шуни айтиш керакки, референдум республика ҳудудида қонун асосида ташкилий жиҳатдан уюшқоқлик, фуқароларнинг юксак сиёсий фаоллиги билан ўтди. Буни референдумда АҚШ, Туркия, Малайзия ва бошқа мамлакатлардан келган бетараф кузатувчилар ҳам тасдиқладилар.
Ўзбекистон мустақил давлат деб эълон қилинган куннинг ўзидаёқ мустақил давлат айрим рамзларини жорий қилиш юзасидан амалий чоралар кўрилди. Ўзбекистон Республикасииинг Давлат байроғи тўғрисида, республика гербининг нусхаси ва Давлат мадҳиясининг мусиқий баёни ҳақида махсус қарор қабул қилинди. Унда Конституция комиссиясининг эксперт гуруҳига Давлат байроғининг вариантлари устида ишлашни давом эттириш, Олий Кенгашнинг тегишли қўмиталарига Конституция комиссияси ижодий гуруҳи билан ҳамкорликда Давлат байроғи, мадҳияси ҳақида қонун лойиҳаларини ишлаб чиқиб, навбатдаги сессияга тақдим этиш топширилди.
Ўзбекистон мустақилликка эришгандан кейин давлат бошқарувининг янги, замонавий ва самарали тизими шакллана бошланди. Бошқарувнинг Президентлик шакли мазкур тизим ўзагини ташкил этди.Президентни сайлаш тартиби Ўзбекистон Республикасининг