3-мавзу. Дивиденд сиёсати назарияси ва моделлари Режа

Фойда миқдорига нисбатан барқарор дивидендлар даражаси сиёсати.
Ушбу турдаги дивиденд сиёсатини амалга ошириш фақат барқарор даромадли компанияларда қўллаш мумкин, чунки фойда миқдори кўплаб омилларга боғлиқ ва шунинг учун ҳам даромадни прогноз қилиш қийин бўлади.
Бу ҳолат эса бозорда акцияларнинг қийматига кескин ўзгаришларга олиб келиши ва компаниянинг бозор қийматини максимал даражада оширишга тўсқинлик қилиши мумкин бўлади.
Дивидендлар миқдорини доимий ошириш сиёсати ҳар бир акция учун дивиденд тўловларининг барқарор ўсишини таъминлашга қаратилган.
Бундай сиёсатни амалга оширишда дивидендлар ўсиши, қоида тариқасида, аввалги даврда улар миқдорини ўсишининг белгиланган фоизида юзага келади ва акцияларнинг юқори бозор қийматини таъминлайди, қўшимча эмиссия билан эса потенциал инвесторлар учун ижобий имиджни шакллантиради.
Шу билан бирга, ушбу сиёсатнинг амалга оширилиши молиявий кескинликнинг доимий ўсишига олиб келади: агар дивиденд тўловлари ставкасининг ўсиш суръати ошса (яъни агар дивидендлар жамғармаси фойда миқдоридан тезроқ кўтарилса), компаниянинг инвестицион фаолияти камаяди ва молиявий барқарорлик коэффициентлари камаяди.
Шунинг учун, бундай дивиденд сиёсатини фақат гуллаб-яшнаётган компаниялар қўллаши мумкин, лекин бу сиёсат фойданинг доимий ўсиши билан кузатилаётган бўлиши шарт, акс ҳолда бу сиёсат банкротликка олиб келиши мумкин.
Қолдиқ принципга асосланган дивидендлар сиёсати. Акциядорларга тўловлар ички молиялаштиришга маблағ ажратилгандан сўнг қолган соф фойданинг бир қисмининг йўналтирилишини ифодалайди.
Бошқа томондан, компания дивидендлар миқдорини фойдадан белгиланган фоиз сифатида белгилаши ёки инвесторлар келажакдаги даромад оқимларининг ҳисоб-китобларини бошқа йўл билан қилишларини осонлаштиришга қаратилган.
Шу сабабли ҳам компания бошқаруви инвесторларнинг манфаатлари ва компаниянинг эҳтиёжлари ўртасидаги мувозанат нуқтасини излаши керак, бу эса мослашувчан дивиденд сиёсатини белгилаш орқали эришилади.