3-ma-ruza pdf

БМТ яқин 5 йил ичида сайёрадаги ҳарорат 1,5
даражага кўтарилишини прогноз қилди

---

БМТнинг прогнозларига кўра, яқин 5 йил ичида
дунёдаги ҳарорат 1,5 даражага кўтарилади. Аввалроқ
ушбу даража иқлимнинг фалокатли ўзгаришларининг
олдини олиш учун энг юқори кўрсаткич қилиб
белгиланганди. Агар ҳарорат шу даражадан кўпроққа
ошса, фалокатли ўзгаришлар юз бериши мумкин.
“Жаҳон метеорологик ташкилоти йилдан йилга ўзгариб
турадиган ўртача йиллик ҳарорат 2020 йилдан 2024 йилгача
оралиқдаги исталган йилда 1,5 даражага кўтарилишининг 20
фоиз эҳтимоллиги мавжудлигини айтди”, деб таъкидлаб
ўтилган хабарда. Таъкидланишича, бу дунё 1,5 даражалик
чегарадан ўтишини англатмайди. Жаҳон метеорологик
ташкилоти бош котиби Петтери Тааласнинг таъкидлашича,
Жанубий Африка ва 2019 йилда ўрмон ёнғинлари миллионлаб
гектар ерини йўқ қилган Австралияни 2024 йилгача янада
кучлироқ қурғоқчилик кутаётганини, Африкадаги Саҳел
минтақаси эса янада намроқ бўлишини айтган. Ўз навбатида,
Европа кўпроқ довуллар кўриши, Шимолий Атлантиканинг
шимолий қисмида эса шамол кучлироқ бўлиши мумкин. Бундай
прогнозлар Жаҳон метеорологик ташкилотининг ҳарорат,
ёғингарчилик ва шамоллар бўйича қисқа муддатли
прогнозларни тақдим қилиш бўйича саъй-ҳаракатларининг бир
қисми ҳисобланади. Улар давлатларга иқлим ўзгариши об-ҳаво
шароитларини қандай бузиши мумкинлигини кузатишида
ёрдам бериш учун тақдим қилинади.
АҚШдаги Ўлим водийсида ер юзидаги энг юқори ҳарорат 
қайд этилди
Аввалги рекорд ҳам шу ерда қайд этилганди: 2013 йилда
ҳарорат 54 даражага етган.
Калифорниядаги Ўлим водийси миллий паркида расман
рўйхатга олинган энг юқори ҳарорат қайд этилди, деб хабар
бермоқда “Би-би-си”. АҚШ миллий метеорология хизматининг
маълумотига кўра, водийда ҳаво ҳарорати 54,4 даражани
ташкил этган. Аввалги рекорд ҳам шу ерда қайд этилганди:
2013 йилда ҳарорат 54 даражага етган. Айрим манбаларда
1913 йилда Ўлим водийсида 56,6 даражани ташкил этгани
айтилади. Аммо олимлар бу кўрсаткичнинг аниқлигига шубҳа
билан қарашади. Қайд этилишича, ушбу ҳафтада АҚШ ғарбида

---

жазирама янада кучайиши мумкин.