3-курс тиббий профилактика йўналиши малакавий амалиёт бўйича саволлар. Малакавий амалиёт бўйича амалий кўникмалар рўйхати

Савол №21- Давлат санитария-эпидемиология назорати маркази режасини тузиш усуллари ва унинг турлари
Жавоб эталони:
Режа тузишда функционал-тармоқ ва муаммо мавзу усуллларидан фойдаланиш мумкин. Функционал-тармоқ принцип - ДСЭНМ бўлими ва бўлинмалари фаолиятини йигиндисидан иборат. Бундай режалар содда ва қулай, аммо унда асосий ва аниқ қонкрет тадбирлар ажратилмаган бўлади. Муаммо-мавзу принципи бўйича тузилган режа асосида умумий барча санитария-эпидемиологик хизматга тегишли бўлган тадбирларни ажратиб олиш мумкин. Ундаги тадбирлар тармоклар бўйича тузилади. Бу принцип ташқи муҳитни муҳофазалаш, касалликларни ва жароҳатланишларни олдини олиш бўйича комплекс режалар тузишда қўл келади.
Функционал-тармоқли ва муаммо-мавзу режалаштириш усулларини бир-бирлари билан боғлаган ҳолда ҳам режалар тузилиши мумкин.Бу энг муҳим муаммолар аниқ ажратиб олиниб, уни (мавзу, тадбирлар) ҳал қилишнинг муддатлари ва бажарувчиларни белгиланади.


Савол №22- Давлат санитария-эпидемиология назорати маркази режасининг турлари
Жавоб эталони:
Санитария-эпидемиология хизмати бўйича ишлаб чиқиладиган барча режаларни 4-та асосий гуруҳларга (ажратиш) бўлиш мумкин: — Муддати бўйича (жорий-перспектив)
-ДСЭНМнинг ривожланиш режаси (тадбирларни мазмуни бўйича вазирликлар, тармоқлар, корхоналар, бирлашмалар, муассасалар, ДСЭНМ бўлинмалар фаолиятини режалаштиришда қатнашиш) ижтимоий-иқтисодий ривожланиш бўйича);
-санитария-соғломлаштириш ва эпидемияга қарши тадбирларнингн комплекс режаси;
-санитария назорат остидаги объектлар бўйича режаси.
Режанинг шаклланишида унинг мақсади ва вазифаларини аниқ белгилашда вазирликларни меъёрий хужжатлари, маҳаллий ҳокимият органлари, жойлардаги Соғлиқни сақлаш ва жамоат ташкилотларининг қарорлари асосий база бўлиб хизмат қилади.


Савол №23- Давлат санитария-эпидемиология назорати маркази ишларини режалаштириш жараёнида нималар ўрганилади?
Жавоб эталони:
Давлат санитария-эпидемиология назорати маркази ишларини режалаштириш жараёнида қуйидагилар ўрганилади:
1.Умумий халқ хўжалик йўналиши бўйича туманнинг ўзига хос хусусиятлари (туманнинг асосий иқтисодий соҳаси, туман ҳудудида фаолият кўрсатувчи объектлар ва уларнинг иқтисодий ҳолати), уларни келажакдаги истиқболи ва унинг ривожланиши;
2.ДСЭНМ хизмат кўрсатадиган ҳудуднинг санитария эпидемиологик ҳолати;
3.демографик кўрсаткичлар;
4.аҳолини касалланиш (умумий, инфекцион, вақтинча меҳнатга лаёқатсизлик) кўрсаткичлари;
5.тиббий ёрдам кўрсатиш даражаси ва бошқалар.