3-курс тиббий профилактика йўналиши малакавий амалиёт бўйича саволлар. Малакавий амалиёт бўйича амалий кўникмалар рўйхати

Жавоб эталони:
Давлат санитария эпидемиология назорати маркази овқатланиш гигиенаси бўлимининг иш вазифалари.
1.Мулкчиликнинг шаклларидан қатъий назар, озиқ-овқат маҳсулотлари ва озиқ-овқат хомашёси ишлаб чиқариш, уларни сақлаш, ташиш, сотиш билан шуғулланувчи корхоналар, муассасалар, ташкилотлар, бирлашмаларни қуриш учун ер участкасини ажратишда иштирок этиш ва хулосалар бериш.
2.Қайд этилган идоралар, корхоналар, муассасаларни лойиҳалаштириш, қуриш, қайта қуриш, янгилаш ва уларни фойдаланишга топшириш чоғида санитария нормалари ва гигиена нормативларига амал қилинганлигини назорат этиш ва хулосалар бериш.
3.Янги озуқа қўшимчаларини махсус қўшиладиган биологик актив моддаларни, озиқ-овқат маҳсулотлари сақланадиган идишларни янги турларини ишлаб чиқишда ва қўллашда уларнинг заҳарлилиги ва гигиенаси жиҳатдан баҳолаш.
4.Озик-овқат маҳсулотларини ишлаб чиқариш, транспортировка қилиш, сақлаш ва тарқатишда санитария - гигиена нормаларига риоя қилишни назорат остига олиш.


Савол №15- Давлат санитария эпидемиология назорати маркази болалар ва ўсмирлар гигиенаси бўлимининг иш вазифалари.
Жавоб эталони:
Давлат санитария эпидемиология назорати маркази болалар ва ўсмирлар гигиенаси бўлимининг иш вазифалари.
1.Болалар муассасалари, ўқув юртларини қуриш учун ер участкаси ажратилишида иштирок этиш ва хулосалар бериш.
2.Юқорида қайд этилган объектларни лойиҳалаш, қуриш, қайта қуриш, уларни фойдаланишга топшириш чоғида санитария нормалари, қоидалари ва гигиеник нормативларга амал қилинганлигини назорат этиш ва хулосалар бериш.
3.Болалар мебели, ўйинчоқ, китоб, кийим ва шахсий фойдаланиш асбобларини жорий қилиш ва ишлаб чиқариш даврида санитария назоратини ўтказиш.
4.Болалар ва ўсмирларни ўқитиш ва тарбия қилиш, овқатланиш, дам олиш шароитларини (кун тартибини, ўқув жадвалини) санитария ва гигиеник жиҳатдан баҳолаш.
5.Мактабгача бўлган тарбия муассасалари, мактаб - лицей, мактаб-интернат, болаларни соғломлаштириш муассасаларида ва шу каби болалар ва ўсмирларнинг мактабдан ташқари объектларида тиббий хизмат ташкил этилганлигини, санитария-гигиена ва эпидемияга қарши кураш қоидаларига риоя қилинаётганлигини назорат остига олиш.