3. Hozirgi davrda pulning amal qilish muammolari

6. Makroiqtisodiy rivojlanishning pul-kredit siyosatini rivojlantirish yo‘llari.
Makroiqtisodiy rivojlanishning asosiy ssenariysiga ko‘ra,
jahonda va mamlakatimizda pandemiya bilan bog‘liq vaziyat
barqarorlashib boradi va aholini koronavirusga qarshi emlash ishlari
faol davom ettiriladi. Jahon iqtisodiyotining inqirozdan keyingi
tiklanishi davom etib, aksariyat davlatlarda iqtisodiyot o‘zining
potensial darajasiga chiqadi. Bunda, virusning yangi yanada xavfli
shtammlarining tarqalmasligi va karantin choralarining bosqichmabosqich yumshab borishi ham asosiy shartlar sifatida qabul qilingan.
Jahon iqtisodiyotida pandemiya davrida pul-kredit sharoitlari
va fiskal siyosatning yumshatilishi orqali yo‘naltirilgan
rag‘batlantirish choralari kelgusi yillarda ham global iqtisodiyotning
barqaror o‘sishiga ijobiy ta’sir ko‘rsatadi. Ko‘pchilik rivojlangan
davlatlarda iqtisodiy o‘sishni ta’minlash uchun keng ko‘lamli
infratuzilmaviy investitsiyalarni jadal amalga oshirilishi
kutilmoqda. Bunda, asosiy e’tibor “yashil va raqamli iqtisodiyot”ni
rivojlantirishga qaratilib, qayta tiklanuvchi energiya resurslari
ishlab chiqarishni kengaytirishga yo‘naltirilgan loyihalar faol amalga
oshiriladi.
Joriy yilda iqtisodiy faollikning kutilganidan ko‘ra tezroq
tiklanishi hisobiga XVJ va Jahon banki tomonidan jahon iqtisodiyoti
va asosiy savdo hamkorlarimiz iqtisodiyotining o‘sish sur’atlari
oshirish tomonga qayta ko‘rib chiqilgan bo‘lib, yuqori baza ta’sirida
2022 yil uchun o‘sish ko‘rsatkichlari ma’lum darajada pasaytirilgan.
Xalqaro valyuta jamg‘armasining prognozlariga ko‘ra, jahon
iqtisodiyoti 2021 yilda 5,9 foizga, 2022 yilda 4,9 foizga,
2023-2024 yillarda esa 3,5 foiz atrofida o‘sishi kutilmoqda (1-rasm).
Shunindek, asosiy hamkor davlatlarda ham iqtisodiy faollikning
jadal tiklanib borishi kutilayotgan bo‘lib, savdo hamkorlarimizdagi
yuqori o‘sish sur’atlari, o‘z navbatida, tashqi talabni xususan, eksport
tovarlarimizga bo‘lgan talabni oshirishi orqali mamlakatimiz
iqtisodiy o‘sishiga ijobiy ta’sir ko‘rsatadi.