3. Foydalanuvchining huquq va majburiyatlari Arxiv hujjatlarini taqdim etish tartibi

4.Arxiv hujjatlarini taqdim etish tartibi
24. Arxiv hujjatlari, mikronusxalar, bosma nashrlar foydalanuvchilarga buyurtmalar asosida taqdim etiladi.
25. Arxiv hujjatlari, bosma nashrlar va arxiv ma’lumotnomalari foydalanuvchiga taqdim etilgan materiallarning har biriga buyurtma shaklida kelib tushgan holda beriladi. Buyurtma qilingan materiallarni qabul qilishda foydalanuvchi buyurtma shakliga imzo qo‘yadi.
26. Bir vaqtning o‘zida foydalanuvchiga 5 tagacha ro‘yxat, 15 tagacha yig‘majild/arxiv hujjati (15 tagacha mikronusxa byuksi), xizmat safaridagi foydalanuvchilar uchun 8 tagacha ro‘yxat va 20 tagacha yig‘majild yoki 15 — 20 saqlov birligida uzog‘i bilan 3 soat vaqt mobaynida eshitiladigan kino-foto-fonohujjatlar beriladi.
27. Buyurtma qilingan yig‘majildlar va arxiv hujjatlari ikki ish kunigacha muddatda taqdim etiladi.
28. O‘quv zalida saqlanayotgan ilmiy-ma’lumot apparati (yo‘l ko‘rsatkich, ro‘yxatlar, kataloglar) va boshqa bosma nashrlar foydalanuvchiga buyurtma kuni taqdim etiladi.
29. Foydalanuvchiga ro‘yxatlar besh kun muddatga beriladi. Yagona nusxada bo‘lgan, markazlashgan holda saqlanayotgan yig‘majildlar (hujjatlar) ro‘yxatlar qoidaga ko‘ra, bir kundan ko‘p bo‘lmagan muddatga, arxiv rahbari yoki uning o‘rinbosarining ruxsati bilan beriladi va arxiv hujjatlarining aslini berishdagi kabi tartibda rasmiylashtiriladi.
30. O‘quv zalida foydalanuvchiga yig‘majildlar va mikronusxalar bir oy muddatga beriladi.
Alohida qimmatli hujjatlar (agar ularning foydalanish nusxalari bo‘lmasa) foydalanuvchiga ikki haftadan ko‘p bo‘lmagan muddatga, noyob hujjatlar esa 5 kunga beriladi.
31. Foydalanuvchining so‘roviga ko‘ra o‘quv zallarida arxiv hujjatlarini saqlash va ulardan foydalanish muddati o‘quv zali xodimi tomonidan, alohida qimmatli hamda noyob hujjatlar uchun esa — arxiv rahbariyati tomonidan uzaytirilishi mumkin.
32. Foydalanish fondi mavjud bo‘lgan qog‘oz ko‘rinishidagi asl hujjatlar o‘quv zallariga taqdim etilmaydi.
Asl hujjatlar arxiv rahbariyati ruxsati bilan maxsus sharoitlarda (tashqi xususiyatni o‘rganish maqsadida, texnik uskunalar yetishmovchiligi, nusxalar sifatsizligi va boshqalar) berilishiga yo‘l qo‘yiladi, kino-foto-fono hujjatlar foydalanuvchiga nusxa ko‘rinishida taqdim etiladi.
33. Arxiv hujjatlarining saqlanishini va xavfsizligini ta’minlash maqsadida quyidagilar taqiqlanadi:
o‘quv xonalariga portfellar, sport va xo‘jalik sumkalari, soyabon, qo‘l telefonlari va ma’lumot tashish vositalari bilan kirishi;
oziq-ovqat, tamaki mahsulotlari va ichimliklar iste’mol qilish;
o‘quv xonalaridan arxiv hujjatlarini olib chiqib ketish, ularni boshqa shaxslarga berish, yig‘majilddagi varaqlarni boshqalariga qo‘shib yuborish;
arxiv hujjatlarining ustki varaqlariga yozish, varaqlar chetini buklash, begona buyumlarni hujjat orasiga qo‘yish;
hujjatlardan ruxsatsiz nusxa ko‘chirish;
uzoq vaqt hujjatlarni ochiq holda quyosh va elektr nurlaridan himoyasiz qoldirish;
arxiv hujjatlariga va ularni tashuvchi axborot vositalarining butligiga salbiy ta’sir ko‘rsatish;
hujjatlar bilan ishlashda yelim, skotch, nusxa olish qog‘ozi, marker, siyohli ruchka, qaychi va boshqa kesuvchi vositalardan foydalanish;
arxiv hujjatlari ma’lumotlariga o‘zgartirishlar kiritish, belgilar qo‘yish, to‘g‘rilash, chizish.
34. Foydalanuvchi tomonidan ro‘yxatlar va yig‘majildlar (saqlov birliklari), arxiv hujjatlarining holati va saqlanishi o‘quv zali xodimi ishtirokida tekshirib qabul qilib olinadi.
Foydalanuvchi arxiv hujjatlaridagi biror-bir kamchilikni, varaqlar yetishmovchiligini, tartib raqami noto‘g‘ri ekanligini aniqlasa, o‘quv zali xodimiga murojaat qiladi.
35. Yig‘majildlarni (arxiv hujjatlarini) taqdim etishni asosli kechiktirish yoki rad etishga quyidagi hollarda yo‘l qo‘yiladi:
yig‘majildlar (arxiv hujjatlari) restavratsiyaga muhtoj bo‘lganida;
qonun hujjatlariga muvofiq yoki fond tashkil etuvchi tomonidan hujjatlar doimiy saqlov uchun topshirilayotganda, hujjatlardan foydalanish bo‘yicha cheklov o‘rnatilganda;
tezkor xizmat topshiriqlarini bajarish zarurati (ma’lumotnoma ishlari, fondlarni mavzuli ishlab chiqish, qayta tiklash (restavratsiya) axborot materiallarini tayyorlash, ilmiy-texnik ishlov berish va boshqalar) yuzaga kelganda;
arxiv hujjatlari boshqa tashkilotlarga vaqtincha foydalanish uchun taqdim etilganda;
arxiv hujjatlari boshqa foydalanuvchiga taqdim etilganda;
buyurtma qilingan yig‘majild yoki arxiv hujjatlari ko‘rgazmada namoyish etilganda.
Agentlik tizimidagi arxivlar, nodavlat arxivlar, shuningdek, vazirliklar, idoralar va boshqa tashkilotlarga xorijiy davlatlardan, shu jumladan Mustaqil Davlatlar Hamdo‘stligi (keyingi o‘rinlarda — MDH) mamlakatlaridan so‘rovlar quyidagi tartibda kelib tushadi:
a) O‘zbekiston Respublikasi Tashqi ishlar vazirligi orqali:
O‘zbekiston Respublikasining xorijdagi konsullik muassasalarining belgilangan namunadagi so‘rovlari;
xorijiy davlatlarning diplomatik vakolatxonalari va konsullik muassasalari verbal notalari ko‘rinishida;
b) MDH mamlakatlari pensiya fondlari, Qizil Xoch va Qizil Yarim oy jamiyatlari Bosh kotiblarining (qarorgohlari, Ijro apparatlarining) so‘rovlari;
v) to‘g‘ridan to‘g‘ri chet elda istiqomat qiluvchi fuqarolar, Amerika Qo‘shma Shtatlari, Isroil, Germaniya va boshqa Ikkinchi jahon urushi davrida jabrlanganlarga kompensatsiya to‘lash masalasi bilan shug‘ullanadigan davlatlar notarial idoralari hamda xorijiy nodavlat va nohukumat tashkilotlari so‘rovlari.
So‘rovlar Agentlik va uning tizimidagi arxivlar, nodavlat arxivlar, shuningdek, vazirlik va idoralarga interaktiv xizmatlar yoki ularning rasmiy elektron pochta manzillari orqali ham yuborilishi mumkin.
6. Agentlik tizimidagi arxivlar, nodavlat arxivlar, shuningdek, vazirliklar, idoralar va boshqa tashkilotlar faqat O‘zbekiston Respublikasi hududida ro‘y bergan voqea-hodisalar, holatlar to‘g‘risidagi so‘rovlarni bajaradilar.
So‘rovda xorijiy mamlakatlarda sodir bo‘lgan holat mavjud bo‘lsa, so‘rov hujjatlar saqlanayotgan joyga tegishliligi bo‘yicha yuborish uchun murojaatchiga yoki O‘zbekiston Respublikasi Tashqi ishlar vazirligiga qaytariladi.
7. Agentlik tizimidagi arxivlar, nodavlat arxivlar, shuningdek, vazirliklar, idoralar va boshqa tashkilotlar fuqarolarning O‘zbekiston hududidagi mehnat faoliyati, ish haqi, ishlab chiqarishdagi baxtsiz hodisalar, davolanishda bo‘lganligi (gospitaldan tashqari), pensiya olganligi, ma’lumoti, ilmiy darajalar va unvonlar berilganligi, davlat mukofotlari, orden va medallar bilan taqdirlanganligi, jamoat tashkilotlari ishlarida qatnashganligi, evakuatsiya qilinganligi, mulkiy va fuqaroviy huquqlari hamda qonuniy manfaatlarini ta’minlashga tegishli boshqa hujjatlar to‘g‘risidagi so‘rovlarini bajaradilar.
8. Agentlik tizimidagi arxivlar vakolatiga kirmaydigan quyidagi so‘rovlar:
fuqarolik holati dalolatnomalari bo‘yicha ro‘yxatdan o‘tkazish to‘g‘risidagi guvohnomalar — Fuqarolik holati dalolatnomalari yozuvlari (keyingi o‘rinlarda — FHDY)