3. Энергетик аудит ва уни ўтказиш шартлари

3.3. Энергоаудитни ўтказиш кетма-кетлиги 
 
Биринчи босқич. 
Биринчи қадам. Корхона раҳбарияти билан дастлабки музокаралар. 
Бу босқичда Буюртмачи томонидан музокараларда фақат техник раҳбарлар эмас, балки мажбурий 
тартибда корхонанинг молия бўйича раҳбари ҳам иштирок этиши муҳимдир. Бу, энергоресурслар 
учун тўлов корхонанинг молиявий фаолияти соҳаси ҳисобланади. 
Иккинчи қадам. Корхона ва унинг тузилмаси билан танишиш. 
Бу қадамда корхона бўйлаб экскурсия ўтказиш, унинг тузилиши, энергия элтувчиларни ҳисобга 
олиш системаси ва энергоресурсларни истеъмол қилиш тўғрисидаги ахборот системаси билан 
танишиш мақсадга мувофиқдир. 
Учинчи қадам. Сўровнома харитасини тузиш, унга корхона мутахассислари аудиторлар берган 
саволларга жавобларни киритишади, масалан, 
– энергия элтувчиларнинг истеъмол қилиш ҳажмлари ва аввалги йиллар учун тарифлар; 
– энергоэлтувчиларни ҳисобга олувчи асбоблар рўйхати; 
– асосий энергия истеъмол қилувчи қурилма рўйхати; 
– таркибий бўлинмаларга уларнинг энергия элтувчилари, ишлаб чиқариш ҳажми ва ҳ.к. тўғрисида 
ахборот тақдим этиш такрорийлиги. 
Корхона, шунингдек қуйидаги ахборотларни ҳам тақдим этади: 
1. Тижорий ва техник ҳисобга олиш асбоблари рўйхати, уларни ўрнатиш жойлари, турлари, 
аниқлик синфи, ўлчаш оралиғи. 
2. Ёқилғидан фойдаланувчи қурилма рўйхати, тури, паспорт маълумотлари, режимли созлаш 
хариталари. 
3. Иссиқлик таъминоти системасининг иссиқлик техникаси қурилмалари рўйхати, паспорти. 
4. Буғдан фойдаланувчи қурилмалар, паспорти рўйхати. 
5. Вентиляция системаси (вентсистемаларнинг паспортлари, вентсис-темаларни созлаш 
натижалари). 

---

6. Компрессор ва насос қурилмаси (паспортлари, ишлаш режими, вужудга келтирадиган 
босимлари ва бошқ.). 
7. Иссиқлик таъминоти, буғ таъминоти, ҳаво ва сув таъминоти, конализация. 
8. Электр таъминоти линия схемаси. 
9. Электр истеъмол қилувчи қурилмалар рўйхати: электропечь электр юритмаси, 
трансформаторлар, компенсацияловчи мосламалар, уларнинг техник тавсифларини кўрсатиш 
билан. 
10. Ички ва ташқи ёритиш системаси. 
Алоҳида қурилманинг энергоаудитини ўтказишда қўшимча равишда унинг ишлаши, тўхтатиб 
туришлари, техник тавсифи ва бошқалар тўғрисида маълумотлар зарур бўлади, улар ишлар амалга 
оширилган сари қўшимча равишда аниқлаштириб борилади.