3. Энергетик аудит ва уни ўтказиш шартлари

3.2. Энергоаудитни ўтказиш методологияси 
Учта муқобил методларга асосланган. 
Етакчи маҳсулот методи – оддий техник усул бўлиб, энергияни замонавий энергияни тежовчи 
қурилмани танлаб олиш йўли билан энергияни тежаш бўйича тавсияларга асосланган, у жорий 
қилинган ҳолда энергия самарадорлигини оширади. Бу усулдан энергияни тежовчи қурилмани 
сотувчи компаниялар кўпинча фойдаланишади. Шунга ўхшаш объектлар етарли даражада кўп 
бўлганда ҳам компанияларнинг “ички” энергоменежерлари томонидан фойдаланиши мумкин. 
Етакчи текшириш методи – фойдаланилган энергия миқдорини ҳисоблашга ва бу катталикни 
энергияни истеъмол қилишнинг саноат нормативлари ва назарий ҳисоб-китоблар билан 
таққослашга асосланган методдир. Мазкур тадбирни бажариб, энергоаудитор янги энергия 
самарали қурилмани ёки технологияларни жорий қилиш ҳисобига энергияни тежаш йўлларини 
аниқлайди, анъанавий ўртача қийматлар ўрнига, қатъий илмий ёндашув асосида ташкилий 
тадбирларни таклиф этади. 
Аралаш ёндашув – олдинги икки методнинг қўшилиши. Мураккаб аудиторлик усулларидан 
фойдаланишни назарда тутади, аммо кенг доирадаги имкониятларни излаш ўрнига диққат-
эътибор кўпинча битта технологияга қаратилади. Ҳозирги замон босқичида аудиторлар бу 
методларнинг ҳаммасидан фойдаланишади. Зарур иш ҳажми техник топшириқни тузиш 
босқичида ва аудит учун шартнома расмийлаштиришда аниқланади. 
Энергоаудитнинг бошланғич босқичининг муҳим вазифаларидан бири дастлабки музокараларни 
ўтказиш ва ишларнинг қиймати аниқлаш ҳисоб­ ланади. Норматив хужжатлардаги тавсияларга 
мувофиқ, энергоаудит бўйича ишларнинг қийматини тавсияларни жорий этиш натижаларидан 
кутиладиган энергоресурсларга тўловлардан тежалган маблағнинг 10 % идан ортиқ бўлмаслиги 
керак. Бюджет ташкилотлар учун энергоаудитни ўтказишдан олдин тендер ўтказилади. Бундай 
амалиётга бошқа ташкилотлар ҳам амал қилади: бу ерда жиддий ёндашув талаб этилади, бу 
ёндашув фақат аудит харажатлари қийматинигина эмас, балки энергоаудиторларнинг тажрибаси, 
малакасини ҳам ҳисобга олишни тақозо этади. 
Энергоаудиторларнинг асосий қоидаларидан бирида шундай дейилади – пул тўланмайдиган 
ишни бажарма. Бу, дастлабки музокаралар жараёнида ҳар бир босқич бўйича иш ҳажми, 
шунингдек ишни бу босқичларнинг исталганида тўхтатиш мумкинлиги келишиб олинади, 
демакдир. Бундай ёндашув Буюртмачига бир томондан, Ижрочининг сифатини ва малакасини 

---

баҳолашга, иккинчи томондан, ҳар бир босқич натижаларини баҳолашга, ишларни тўлиқ ҳажмда 
ўтказишнинг имкониятларини ва зарурлигини аниқлашга имкон беради. 
Бундан келиб чиқиб, корхонанинг айрим бўлинмалари (объектлари), бутун корхона бўйича 
энергияни тежаш имкониятлари (ЭТИ)ни бахолаш билан дастлабки ва чуқур (муфассал) аудит фарқ 
қилинади.