Бу тўлдириш принципига асосланади. Ҳужайра бўлинишидан олдин ундаги ДНК молекулалари икки ҳисса ортади, яъни редупликация юз беради. Бунда ДНК нинг қўш спирал занжири бир учидан ажрала бошлайди ва ҳужайра муҳитида мавжуд бўлган эркин нуклеотидлардан ДНК занжири тузилади. Қўш спираль занжирда пиримидин ва пурин асослари маълум масофада жойлашишини Чаргафф аниқлаган.
1969 йилда Калифорния университетида электрон микроскопда ДНК қўш спирали бактериал ҳужайраларда суратга олинди. Киши танасидаги ДНК молекулаларининг узунлиги 1 м дан ортиқлиги аниқланган. ДНК қўш занжиридан бири узунлиги иккинчиси билан тенг. Уотсон - Крик таклиф этган схематик тузилиш (модел) умумий қабул
Репликация – ДНК қўш занжирининг ўз-ўзидан кўпайиши демакдир.
Транскрипция – ДНК молекуласидаги информацияни РНК молекуласига кўчирилиши демакдир.
ДНК синтези ферментатив процессдир. Бу ДНК нинг махсус ферменти полимеразанинг фаолияти натижасида юзага чиқади. ДНК фақат нуклеотидларнинг жойлашиши тартибини белгилаб беради, редупликация процессини эса оқсил ферменти бошқаради.
РНК структурасида қўш спираль йўқ, у ДНК занжиридан бирига ўхшайди. ДНК занжирлари каби РНК ҳам полимердир. РНК нуклеотидлари А,Г,Ц ва У (Урацил) дан иборат.
РНК нинг молекуляр оғирлиги ДНК нинг молекуляр оғирлигидан кичик, РНК молекулалари узунлиги ДНК занжиридан калта бўлади.
Оқсил цитоплазмадаги энг майда структураларда - рибосомаларда синтезланади. Оқсил структураси ҳақида информация РНК да бўлади. Бу информация ядродаги ДНК дан РНК орқали цитоплазмага ўтади. и-РНК ахбороти бўйича транспорт РНК молекулалари ва уларга боғланган аминокислоталар ҳам рибосомага киради .Шу вақтда уларнинг охирги триплети рибосомада бўлган и-РНК га тегиб ўтади. т-РНК нинг иккинчи учи ва унга боғланган аминокислота рибосоманинг оқсил тузилаётган жойдан ўтади. Бу вақтда аминокислота т-РНК дан ажралиб кетади. Оқсил молекуласининг таркибига ўтади, қўшилади.
и-РНК рибосомада ўнгга қараб бир триплет илгари сурилади, аминокислотадан хосил бўлган т-РНК эса рибосомадан цитоплазмага ўтади. Бу ерда т-РНК яна аминокислоталарга боғланади ва яна рибосомага қараб йўналади. Рибосомада и-РНК шу тариқа аста-секин изчиллик билан триплетлар ўнга сурилади. Синтезланаётган оқсил молекуласига аминокислоталар кетма-кет жойлашади.
и-РНК молекуласи рибосомадан ўтиб оқсил молекуласи йиғилади. Бу оқсил молекуласининг структураси и-РНК даги информацияга мос келади. ДНК молекуласида нуклеотидлар жойлашиш тартиби ўзгарса (ҳатто бир нуклеотиднининг ўзгариши ёки йўқолиши) оқсил синтезининг бузилишига олиб келади ва натижада мутация юз беради.