“3 d texnologiyalar” fanidan O’quv qo’llanma

Xavfsizlik va sog’liqga ta’siri 
Sony kompaniyasi 3D-filmlar va 3D-o‘yinlarni ko‘rishda qo‘shimcha noxush
(bosh aylanishi, ko‘ngil aynishi va boshqa) effektlar borligini tan oldi hamda bolalarni, 
ayniqsa 6 yoshgacha bo‘lganlarini, bu ermaklardan chegaralashni tavsiya etdi. Undan 
oldin shu kabi ogohlantirishni Samsung kompaniyasi e’lon qilgan edi. Unda stereokino 
ta’siridagi undan ham ko‘p noxushliklar sanab o‘tilgan bo‘lib, ko‘rishning 
yomonlashishi, muskul titrashi, bosh og‘rig’I va dezoriyentatsiya ham qo‘shilgan. 
Tomoshadan keyin bo‘yinni sindirib olmaslik uchun 3D-televizorlarni zinapoya va 
balkonlar yaqinida joylashtirmaslikni tavsiya etishadi. Mast yoki homilador 
vaziyatlarda 3D-video tomosha qilishni tavsiya etishmaydi. 

---

24 
Eng yaxshi 3D-monitorlar: virtual voqelik revolyutsiyasi 
Ommaviy foydalanuvchi uchun kompyuter texnikasi taraqqiyoti hisoblash 
quvvatining o‘sishi ko‘rinishida emas, balki monitordagi tasvirning yaxshilanishi 
yo‘lidagi o‘sishi ko‘rinishida bo‘lishi ko‘proq ravshan edi. Ekran imkoniyatining 
o‘sishi, aks ettriladigan ranglarning ortishi, vizuallashtirishning yangi texnologiyalarini 
joriy etilishi… Kompyuter grafikasidagi oxirgi eng katta ommaviy revolyutsiya 1990-
yillarning o‘rtasida ro‘y berib, tekis piksellar poligonlar tomonidan siqib chiqarildi. 
Shundan keyin ancha vaqt o‘tgan bo‘lsada yangi sakrashlar ro‘y bermadi. Faqat 
yaqindagina rivojlanish yo‘nalishi tushunarli bo‘ldi: bu safar ham ular aks ettirish 
qurilmalari bilan bevosita bog‘liq. 
3D-o‘tmish 
Aytib o‘tish joizki, ommaviy kompyuter bozorida stereotasvirlarni hosil qilish 
texnologiyalari va qurilmalari o‘yinlardagi poligonal grafika bilan taxminan bir vaqtda 
– 1990-yil o‘rtalarida paydo bo‘ldi. Bulardan 90% holda yoki ikkita mini-displey 
o‘rnatilgan virtual voqelik shlemi yoki ulkan virtual voqelik ko‘zoynagi bo‘lib, ular 
ham, umuman olganda, shlemni kabi edi – faqatgina yengillashtirilgan va 
soddalashtirilgan.