3 боб акушерлик қон кетишлари

Қорин аортасини босиб туриш

Битта қўл муштини киндикдан юқори ва бироз чапда жойлашган нуқтага қўйинг (қорин аортаси нуқтаси).

Қорин аортаси проекцияси соҳаси устида жойлашган мушт билан пастга йўналтирилган босим кўрсата бошланг.

Бўш қўл бармоқлари билан сон артериясидаги пульсни баҳоланг ва бу билан компрессия етарлилигини белгиланг: Агарда сон артериясидаги пульс сезилса, демак компрессия кучи етарли эмас. Агарда сон артериясидаги пульс сезилмаса, демак компрессия кучи етарли.

Муолажадан сўнг бажариладиган вазифалар

Туққан аёлнинг ҳаётий функциялари мониторингини ўтказинг, қин ажратмалари характерини кузатинг: Кейинги соат давомида ҳар 15 дақиқада. Сўнгра ҳар 30 дақиқада 72 соат давомида.

Бачадоннинг қисқарган ҳолатига амин бўлиш учун унинг тубини пайпаслаб кўринг.

Амалий кўникма: Туғруқдан кейинги қон кетишини баҳолаш

Кўникмадан мақсад, амалиётда энг кўп қўлланиладиган усуллар - туғруқдан кейинги қон кетишини баҳолашнинг турли усуллари, шу жумладан, визуал баҳолаш билан таништиришдан иборат.

Туғруқдан кейинги қон йўқотилиши ҳажмини баҳолашнинг биринчи, ва энг кенг тарқалган усули – жинсий йўллардан ажралаётган қонни чаноқга йиғиш ва сўнгра уни градусларга бўлинган 1-2 литрли колбада ўлчаш.
Иккинчи усул – йўқотилган қонни визуал баҳолаш. Қон йўқотилишини визуал баҳолаш етарли баҳоламасликка олиб келиши мумкин. Қон йўқотилишини бу усул ёрдамида баҳолаш учун асосли маълумотлар йўқ. Бу усулни қўллашда хато, кўпроқ – етарли баҳоламаслик реал қон йўқотишдан 20 дан 50% гача бўлган ҳажмни ташкил этиши мумкин. Шу сабабли визуал аниқланган йўқотилган қон ҳажмига қўшимча равишда 30% ни қўшиш керак.