3 боб акушерлик қон кетишлари

Киндик тизимчасинг назорат қилинадиган тракциялари ёрдамида йўлдошнинг туғилиши

Бачадон қисқармагунча ва қон кетиши назорат остига олинмагунча бачадонни икки қўллаб сиқишда давом этинг.

Киндик ичагига жойлаштирилган зажимни оёқ орасида яқинроқ кўчиринг, бунда сиқилган киндик тизимчаси ва зажим учини қўлингиз билан ушлаб туринг.

Бўш қўлингизни дарҳол қов супачаси устига қўйинг ва бачадон танасига юқорига ва чуқурга томон (аёлнинг бошига ва умртқа поғонасига) босган ҳолда эҳтиёткорлик билан контртракция кўрсата бошланг, бу бачадонни фиксация қилишга, тескари ўгирилиб қолишининг олдини олишга ёрдам беради.

Киндик тизимчасинг енгил тортилишини сақлаб туринг ва йўлдош тўлғоғини кутинг (2-3 дақиқагача).

Бачадон думалоқлашиб ёки киндик ичаги чўзилиши билан уни пастга томон эҳтиёткорлик билан торта бошланг ва йўлдошни туғдиринг.

Иккинчи қўлингиз билан контртракция кўрсатишда давом этинг.

Агарда, 30-40 сония тракциялар давомида йўлдош туғилмаса, киндик ичаги чўзилишини бўшатинг ва кейинги тўлғоқлар бошланиши билан такрорланг.

Амниотик қобиқлар тўлиқ туғилиши учун, йўлдош туғилиши билан уни икки қўл билан тутиб туринг ва бурай бошланг. Агарда амниотик қобиқлар мустақил туғилмаса, уларни “эшилган” даражага келтириш учун буранг, қобиқларни йиртиб юбормаслик учун ҳосил бўлган “арқонни” чайқатувчи ҳаракатлар билан юқоридан пастга томон ҳаракатлантиринг.

Туғруқни тўхтатиш учун эҳтиёткорлик билан йўлдошни тортинг.