3 боб акушерлик қон кетишлари

Амалий кўникма: туғруқнинг 3-нчи даврини фаол олиб бориш

Қадам/вазифа

Тайёрлаш

Аёлга бундай буён бажариладиган ҳаракатлар ҳақида сўзлаб беринг, уни диққат билан тингланг, уни қизиқтирувчи барча саволларга жавоб беринг, шубҳалардан холи бўлишига кўмаклашинг.

Заруратга кўра аёлни тинчлантиринг ва унга давомли эмоционал ёрдам кўрсатишда давом этинг.

Барча тиббиёт ходимлари индивидуал ҳимоя воситаларини кийганлигини назорат қилинг.

Қайд: 1-нчи ва 2-нчи қадамлар барча навбатдаги қадамларни бажаришда кўрсатилиши керак.

Утеротоник юбориш

Бола туғилишидан аввал утеротоник препаратни тайёрланг: шприцга 10 бирлик окситоцин тортиб қўйинг.

Бола туғилганидан сўнг бир дақиқа ичида қоринни пайпаслаб кўринг, яна битта бола қолмаганлигига ишонч ҳосил қилинг.

10 бирлик окситоцинни мушакка юборинг (думбага юборилиши маъқул).

Киндик тизимчаси кесиш

Киндик тизимчаси кесишдан аввал янги туғилган чақалоқни қабул қилиш учун кийилган бир жуфт қўлқопни ечинг, зеро киндик инфекциясининг олдини олиш учун тозалик муҳим аҳамиятга эга.

Бола туғилганидан сўнг бир дақиқадан уч дақиқа орасида киндик тизимчаси кесинг (мўлжал – киндик ичаги пульсациясининг тўхташи).

Киндик ичагига зажим қўйинг ва уни кесинг: бунда зажим бола қорнидан икки бармоқ қалинлиги узоқлигида қўйилади, иккинчи зажим эса – бола қорнидан беш бармоқ қалинлиги узоқликда жойлаштирилади.

Киндик тизимчаси кесишда манипуляция соҳасини стерил дока боғлама билан ёпиш орқали юзингизни қон сачрашидан сақланг.