3 бўлим: Шўр ерларда доривор ўсимликларнинг интродукцияси ва биологик хусусиятлари

- Қора андиз - Девясил высокий (Inula helenium L.).
Қора андиз -Asteraceae оиласига мансуб кўп йиллик ўт. Ўсимлик табиатда Европанинг шарқий қисмидаги ўрмон ва ўрмон ялангликларида, Кавказ ва Ўрта Осиёнинг намли жойлари, дарё қирғоқларида ўсади. Доривор хом-ашё сифатида ўсимликнинг илдиз ва илдизпояси ишлатилади. Унинг таркибида полисахаридлар, аччиқ моддалар ва 1-2 % эфир мойлари мавжуд. Табобатда – йўтал ва сийдик йўлларидаги касалликларни, гомеопатияда эса, бачадонда рўй берадиган ўзгаришларни даволашда фойдаланилади [29] (илова – 297-бет).
Ўртача шўрланган тупроқларда қора андиз уруғдан экилиб, уларнинг унувчанлиги 1,8% ва сақланиши 100% ни ташкил этди. Кучли шўрланган тупроқларда эса, ўсимликлар кўчатдан интродукция қилинди, кўкарувчанлик -100% ва сақланиш -80,0% кузатилган.
Ўсимликлар уруғдан экилганда дастлабки вегетация йилида тупроқ юзасида фақат барглар ҳосил бўлади ва вегетация давомида уларнинг сони 20,82,78 та га етади. Вегетация охирида асосий поя барглар тўпининг ўртасидан кўтарилиб 13,32,36 см га ўсади. 2- вегетация йилининг бошиданоқ асосий поялар жадал ўсади ва узунлиги -77,23,75 см ни, улардаги барглар -25,31,99 та ни ташкил этади. Асосий пояда 8,21,24 та 1- тартибли новдалар ҳосил бўлади ва уларнинг узунлиги ўртача 13,41,66 см га етади. Вегетация охирига келиб, асосий поялар ва 1- тартибли новдаларнинг учки қисмларида 3,40,51 та ғунчалар, 4,00,95 та гуллар, 2,60,93 та шаклланган мевалар ва 7,60,51 та пишган мевалар кузатилди. Кўчатдан ўстирилган ўсимликларнинг асосий поялари дастлабки вегетация йилидаёқ ўртача 100,24,98 см ва ундаги барглар 15,42,04 та ни ташкил этади. Шунингдек, генератив аъзолар ҳам шаклланиб, вегетациянинг охирларида: 4,41,03 та тўп гуллар; 5,40,60 та шаклланган тўп мевалар ва 2,00,45 та пишган тўп мевалар ҳосил бўлади. Иккинчи вегетация йилининг бошиданоқ ўсимликларнинг ўсиш суръати жадал бўлади. Вегетация давомида асосий поянинг баландлиги 145,43,52 см га ўсади ва унда 26,62,48 та барг ҳосил бўлади.Ўсимликлар генератив даврга июн ойининг бошида киради. Бир асосий пояда ўртача 9,81,62 та шаклланган ва 8,40,93 та пишган тўп мевалар кузатилган (3.8,3.9 - жадваллар).
Ўсимликлар илдиз ва илдизпоясининг ҳосилдорлиги аниқланганида: шўрланмаган тупроқларда 2,0 т/га ни ташкил этган бўлса [126]; бизнинг кузатишларимизда бу кўрсаткич 1,800,12 т/га (қуруқ ҳолда) ни ташкил этди.