3. Bólim. Basım ayırmashıqları ózgermes sarıpınıń ólshegishleri

4.3.2-súwret. Elektr differensial transformator járdeminde uzatılatuǵın rotametr sxeması.


Qadaǵalaw sorawları

1. 
   Rotometrlerdiń islewi nelerge tiykarlanadı?
   
2. 
   Rotometrlerdiń qanday artıqmashlıqları bar?
   
3. 
   Rotometrlerdegi maǵlıwmattı qanday qılıb aralıqqa uzatıw múmkin?
   
4. 
   Rotometrdiń shkalası ne ushın sızıqlı?
   
5. 
   Taraytırwshı qurılmalar kanday aralıqta qollanıladı?
   

4. Bólim. Basqa túrdegi sarıp ólshegishler

1. 
   Ózgeriwsheń qáddili sarıp ólshegishler
   

Ózgeriwsheń qáddili sarıp ólshegishlerdiń prinsipi suyıqlıqtıń ıdıs túbindegi yamasa onıń diywallarındaǵı tesikten erkin aǵıp shıǵatuǵın qáddin ólshewge tiykarlanǵan. Bul áspablar ximiya sanaatıda júdá agressiv suyıqlıqlar sarıpın ólshewde, sondayaq, gaz benen aralas pulslanıwshı aǵıs hám suyıqlıqlar sarıpın ólshewde isletiledi. Ózgeriwsheń qáddili sarıp ólshegishler bárshe jaǵdaylarda suyıqlıq qáddin atmosfera basımında ólsheydi, sonıń ushın bul áspablardıń isletiliwi sheklengen.

Ózgeriwsheń qáddili sarıp ólshegishler quramına qabıl etiwshi ıdıs hám suyıqlıq qáddin ólsheytuǵın áspab kiredi. Qáddi ólshegishler retinde qálegen áspab isletiliwi múmkin. Qabıl etiwshi ıdıs retinde bolsa domalaq yamasa tórtmúyesh ıdıs xızmet etedi. Bunday ıdıslardaǵı suyıqlıq sarıpı onıń qáddi biyikligi boyınsha anıqlanadı. Diafragma ıdıs túbinde yamasa onıń qaptal diywallarında jaylasıwı múmkin, lekin suyıqlıq qáddi ol aǵıp shıǵatuǵın tesikten joqarıda bolıwı kerek. Sańlaqtıń tesikleri ıdıstıń tek qaptal diywallarında jaylasqan bolıwı múmkin, bul jaǵdayda ıdıstaǵı suyıqlıq qáddi tesiktiń joqarǵı shetinen biyik bolmaslıǵı kerek.



4.4.1-súwret. Suyıqlıq aǵıp shıǵatuǵın sańlaq sarıp ólshegish: 1-pezometrik trubka; 2-eki shtutserli tórtmúyesh korpus; 3-U-tárizli manometr; 4-stakanǵa (hawanı qadaǵalawi ushın); 5-manometr; 6-reduktor; 7-filtr (hwanı tazalaw ushın)

Sańlaqlı sarıp ólshegishlerde basım derekleri differensial manometr arqalı ólshenedi. Sarıp ólshegish penen differensial manometr ortasındaǵı pnevmatik trubaunıń uzunlıǵı 35m den, differensial manometr hám ekilemshi áspablardı ólshewshi trubkanıń uzunlıǵı bolsa 300m den asıp ketpewi kerek. Ólshew diapozonı 10...50 m³/saat bolǵan qurılmanıӊ tiykarǵı qátesi 3,5%.

2.