3 – Ámeliy shınıģıw: 4-saat. Dvigatellerdiń maylaw sisteması, dúzilisin islewin úyreniw. Jumıstıń maqseti

Maylaw sistemasınıń tiykarǵı nasazlıqları hám texnikalıq
xızmet kórsetiw
Dvigateldiń uzaqhámmuqıyatlı jumısislewiniń birden-bir áhmiyetlitalabı maylawsistemasınadurıstexnikalıqxızmetkórsetiwbolıpesaplanadı. Dvigateldiń jumısı waqtındabasımhámmaytemperaturası úskeneleriniń kórsetkishlerinbaqlapbarıwkerek. Maylawmayınıń basımı 0,1MPadankembolǵandadvigatelditoqtatıpsebebinanıqlawlazım. May basımınıń páseyiwine kelesi sebepler bolıwı múmkin: truborovodlardıń birikpelerinde hám tıǵızlaǵıshlardıń zıyanlanıwınan maylardıń shıǵıwı; joqarı temperaturada maylardıń shennen tıs suyılıwı; may nasosınıń tógiwshi yamasa redukciyalıq klapanlarınıń nasazlıǵı; kolenchatıy valdıń moyınlarınıń hám podshipnik vkladıshlarınıń jeliniwi.
Maylaw sistemasınıń nasazlıǵı óz waqtında saplastırılmasa dvigateldiń buzılıwına alıp keliwi múmkin.
Maylaw sistemasına texnikalıq xızmet kórsetiw kelesi túrde boladı: hár smenada dvigateldi iske qosıwdan aldın karterdegi may qáddin tekserip, kerek bolsa ólshem lineykasınıń joqarǵı belgisine deyin qosımsha may quyıw; may ótkizgishleriniń birikpelerin hám centrifuga jumısın dáwirli tekserip barıw; may radiatorınıń sırtqı betleriniń tazalıǵın saqlaw.
V₂ toparındaǵı maylaw mayın qollanǵanda dvigateldiń jumısınıń 240 saat jumısınan soń tómendegilerdi orınlaw kerek: dvigatel karterindegi maydı almastırıw; maylaw sistemasın arnawlı eritpe menen juwıw; centrifuganı ashıw, sonıń menen birge (SMD-60 hám SMD-62 dvigatellerinde) turbokompressorlardıń súzgishlerin juwıw; dvigatelden sapundı alıp bóleklep onı taza dizel janılǵısı menen juwıw. G₂ toparındaǵı maydı qollanǵanda bul operaciyalar dvigateldiń 480 saat jumısınan keyin ámelge asırıladı.
Eger centrifuganıń nasazlıǵı bolmasa dvigatel toqtatılǵannan soń 40 sek. dawamında aylanıwshı rotorınıń jeńil sesti esitilip turadı.


Qadaǵalaw sorawları hám tapsırmalar
1. Mexanizm detallarınıń hám jıynalmalı birikpelerdiń súykeliwshi betlerin ne ushın maylaw kerek?
2. Házirgi zaman traktor hám avtomobil dvigatellerinde detallardı maylaw ushın qanday markadaǵı maylar qollanıladı hám qanday jaǵdayda isleydi?
3. Maylaw maylarınıń sapasın qanday kórsetkishler menen bahalaydı?
4. Dvigateldiń qaysı detalları basım menen hám shashırandı túr menen maylanadı?
5. Aralas maylaw sistemasınıń artıqmashlıǵın aytıń.
6. Eki sekciyalı may nasosınıń dúzilisi hám islewi qanday?
7. Maylaw sistemasındaǵı klapanlar ne ushın xızmet etedi?
8. D-240 hám SMD-60 dvigatelleriniń centrifugalarınıń islew principi hám dúzilisleriniń ayırmashılıǵı nede?
9. Maylaw sistemasında may radiatorın ornatıw ne ushın talap etiledi?
10. Maylaw sistemasındaǵı may basımınıń túsiw sebeplerin bilesiz be?
11. Centrifuga jumısınıń durıslıǵın qalay tekseremiz?
12. Dvigateldiń maylaw sistemasına texnikalıq xızmet kórsetiw operaciyaların sanap beriń.