|
3 – Ámeliy shınıģıw: 4-saat.
Dvigatellerdiń maylaw sisteması, dúzilisin islewin úyreniw.
Jumıstıń maqseti: Dvigatellerdiń maylaw sisteması dúzilisin, atqaratuǵın xızmeti hám detalların oqıp úyreniw.
Jumıstıń mazmunı: Plakatlar, maylaw sisteması detalları D – 144, D – 240 dvigatel, hám maylaw túrleri haqqında ulıwma maǵlıwmatlar maylaw sistemasınıń islew sxeması, texnikalıq kútimi, waqtında islenetuǵın jumıslar.
Jumıstıń orınlanıw tártibi: Maylaw sistemasın waziypasın hám dúzilisin úyreniń, May nasosınıń dúzilis islewin úyreniń, redukcion saqlawshı hám shıģarıw klapanlarınıń waziypası hám islewin úyreniń, oraylıq may tazalaw filtiriniń islewin úyreniń hám onı bóleklerge ajratıń, plakatda D – 144 hám D – 240 dvigatellerin maylaw sisteması elementlerin hám islewin úyreniń, maylaw sistemasında ushrastuģın nasazlıqlardı úyreniń,
Dvigateldiń maylaw sisteması – bul detallardıń súykeliske keletuǵın betlerine kerekli muǵdarda hám belgili bir temperaturada maylaw mayın jetkerip beretuǵın óziniń kanalları hám ótkizgishlerine iye dúzilislerden ibarat jıynalmalı qurılmaǵa aytıladı. Maylaw mayı súykeliske keletuǵın detal betlerine shashıratıw yamasa basım arqalı arnawlı kanallar menen jiberiliwi múmkin. Kópshilik dvigatellerde (ZiL-130, GAZ-53, SMD-14NG, SMD-60, D-240, A-41 hám t.b.) qospalı maylaw sisteması qollanıladı, yaǵnıy bunda maylaw mayı shashırandı hám basım arqalı detallardıń súykelis betlerine jetkeriledi.
Qospalı maylaw sistemasınıń islew principi hám dúzilisi menen tanısıw ushın A-41 dvigateliniń maylaw sistemasınıń sxemasınan paydalanıwǵa boladı (3-súwret).
Motor mayı torlı súzgishi bar moyın arqalı karterdiń poddonı 15 ke quyıladı. Maydıń poddondaǵı qáddi may ólshegish penen anıqlanadı, isletilgen maydı tógiw ushın poddonnıń ultanında rezbalı tıǵın ornatılǵan. May poddon 15 ten 12-may qabıllaǵıshtıń setkası arqalı 11-shesternyalı nasostıń sorıw sekciyası arqalı tartıladı hám blok-karterdiń kanalları arqalı eki tolıq aǵımlı centrifuga 6 ǵa jiberiledi. Hár bir centrifugada maydıń 1/3 bólegi (30%) rotordıń forsunkası arqalı ótip reaktiv momentti payda etedi hám onı joqarı tezlik penen aylandıradı (3-súwret). Sońınan bul may 15-poddonǵa quyıladı. Maydıń qalǵan 2/3 rotorǵa túsip oraydan qashıwshı kúsh tásirinde centrifuganıń súzgishlerinen ótip tazalanadı.
Tazalanǵan may blok-karterdiń qaptalınan uzınına júrgizilgen 1-bas magistralǵa túsedi. Bas magistraldan blok-karterdiń keselengen diywallarındaǵı kanallar boyınsha kolenchatıy valdıń tiykarǵı podshipniklerine hám bólistiriwshi valdıń tayanıshlarına jetkerilip beriledi. Kolenvaldıń tiykarǵı podshipniklerinen valdıń iymeklengen kanalları menen shatun moyınına may ótedi. Shatun moyınındaǵı mayǵa jáne de oraydan qashıwshı kúsh tásir etip qosımsha tazalanıwdan ótedi, sonıń menen birge shatun moyınların hám vkladıshların maylaydı. Shatun podshipniklerinen may shatundaǵı kanal menen basım astında shatunnıń joqarǵı vtulkasına hám porshen palecine jetkeriledi.
3-súwret. A-41 dizel dvigateliniń maylaw sistemasınıń sxeması: 1-bas may magistralı; 2-kanal; 3-shtanga; 4-kronshteyn; 5-iytergish kósheriniń ishindegi quwıslıq; 6-centrifuga; 7-may basımı kórsetkishiniń shtuceri; 8-temperatura kórsetkishiniń shtuceri; 9-aǵızıwshı klapan; 10-redukcionlı klapan; 11-may nasosınıń basım jasawshı sekciyası; 12-may qabıllaǵısh; 13-may nasosınıń radiator sekciyası; 14-qorǵawshı klapan; 15-karterdiń poddonı; 16-qosıwshı-ajıratıwshı kran; 17-may radiatorı; 18-vtulka; 19-tirek kósheri; 20 hám 21- tesikler; 22-tıǵın; 23-shesternyadaǵı radial kanal.
Bólistiriwshi valdıń 2-hám 4-shi tayanıshlarına may ótkizetuǵın blok-karterdiń keselengen kanallarınan iytergishlerdiń kósherindegi 5-quwıslıqqa 2-kanal 4-kronshteyn arqalı may keledi. Iytergish tómengi jaǵdayda turǵanda onıń kanalı kósherindegi radial tesik penen sáykeslenedi hám 5-quwıslıqtaǵı may 3-gewek shtanga arqalı hár koromıslonıń vtulkalarına baradı. Koromıslodaǵı tesiklerden shıqqan may onıń urǵıshlarına may shashıratıp maylaydı. Sońınan bul maylar cilindr golovkasındaǵı tesikler arqalı blok-karter poddonına aǵadı.
3-súwret. Reaktivli may centrifugası: 1-korpus; 2-forsunka; 3-qorǵawshı setka; 4-may qaytarǵısh; 5-centrifuga qalpaǵı; 6-stakan; 7-ostov; 8-kósher; 9 hám 11-gaykalar; 10-shayba; 12-may ótkeriwshi trubka; 13-tıǵızlawshı rezinalı xalqa; 14 hám 15-kirgiziwshi hám shıǵarıwshı kanallar; 16-ótkeriwshi klapannıń sharigi; 17-kalibrlengen drossel tesigi; 8-kósherdegi 18-tesik.
Súykeliwshi detal betlerinen ótken maylar ádewir qızadı.Sol sebepli maylardı suwıtıw ushın radiator qollanıladı.May nasosınıń radiatorǵa aydaytuǵın sekciyası jaz aylarında qosılıp, qıs aylarında kran arqalı ajıratılıp qoyıladı.
Do'stlaringiz bilan baham: |
