3 – Мавзу Янги ва энг янги давр фалсафаси

ТОШКЕНТ МОЛИЯ ИНСТИТУТИ
ФУҚОРОЛИК ЖАМИЯТИ
HSM
Ўзбекистон миллий тараққиётининг янги босқичида фуқаролик жамиятининг шаклланиши ва ривожланиши
1-Мавзу
Холбеков Абдужамол
1-Мавзу:Ўзбекистон миллий тараққиётининг янги босқичида фуқаролик жамиятининг шаклланиши ва ривожланиши
Режа:
1.Фуқаролик жамияти - инсоният тараққиё-тининг юқори босқичи
2. Фуқаролик жамияти ғоялари эволюцияси
3.Ўзбекистонда фуқаролик жамияти шаклланиши ва ривожланишининг методологик концептуал асослари
Фуқаролик жамияти фани жаҳонда бир неча минглаб йиллар давомида йиғилган умуминсоний қадриятларни ҳозирги умуминсоний ва демократик қадриятлар билан уйғун ҳолда ўрганиши ва улардан хулосалар чиқариши туфайли ёш авлодни шакллантиришда муҳим рол ўйнайди. Бу фан инсониятнинг энг сўнги тараққиёт босқичи ва инсоний бирлиги тўғрисидаги таълимотларни ҳозирги давр билан мустаҳкам боғлиқлик ҳолида ўрганади, исонни жамият қонуниятлари ва қадриятлари асосида яшашга ундайди, бу йўлдан инсон манфаатдорлигини асослаайди.
Ҳозирги даврга келиб дунёдаги ривожланган мамлакатларда фуқаролик жамиятининг қурилганлиги, мазкур жамият сиёсий институти сифатида ҳуқуқий давлат бунёд этилганлиги, бу каби жамият ва давлатлар муҳитида инсон ва унинг фаолияти учун эркинлик яратилиши, инсон ҳуқуқларини ҳимоялашнинг миқёси ниҳоятда кенг эканлиги каби омиллар демократия қуриш йўлидан кетаётган давлатларни қизиқтирмоқда. Шунинг учун ҳам ўтиш даврида яшаётган мамлакатлар сиёсий элитаси фуқаролик жамиятини нафақат ижтимоий модель сифатида, балки уни таълим тизимига жорий этиш асносида ёш авлодни шакллантириш омили сифатида ҳам эътироф этмоқда.
2016 йилнинг сўнгги чорагидадан бошлаб мамлакатимизда давлат раҳбари сифатида ўз фаолиятини бошлаган Ш.М.Мирзиёев “Мустақил тараққиёт йилларида Конституциямиз юртимизда ҳуқуқий демократик давлат, кучли фуқаролик жамияти, эркин бозор муносабатлари ва хусусий мулк устуворлигига асосланган иқтисодиётни қуриш, халқимиз учун тинч, обод ва фаровон ҳаёт барпо этиш, Ўзбекистоннинг халқаро майдонда муносиб ўрин эгаллашида мустаҳкам пойдевор бўлиб хизмат қилмоқда” деб таъкидлаб ўтди