3 – ma’ruza mavzu: qizil suvo’ttoifalar bo’limi – rhodophyta

Nemalionnomalar qabilasi - Nemallionales 

Bu  qabilaga  kiruvchi  suvo’tlarning  eng  harakterli  belgisi  shundan  iboratki,    ularda  

auksilyar h ujayra bo’lmaydi,  gonimoblastlar to’g’ridan-to’g’ri urug’langan karpogonning qorin 

qismidan yoki qiz hujayralardan  rivojlanadi. Bu turkum  vakillari  Janubiy  dengizlarda,  bizda 

Qora dengizda o’sadi. 

Ayrim  vakillari  chuchuk  suvlarda  masalan,  lemanea  (Lemanea)va  Batraxospermum 

(Batrachospermum) o’sadi. 

Lemanea  (Lemanea)  tez  oqadigan  sovuq  suvlarda  sibstratga  yopishib    o’sadigan  suvo’ti 

bo’lib, tallomi pushti rang,  shoxlangan,  uzunligi 10-15 sm.  Mikroskop ostida qaralganda uning 

shoxchalarida  markaziy  o’zakni  ko’rish  mumkin.  U  rangsiz  ipchalarning  to’plamidan  hosil 

bo’lib,  ulardan sershox radial po’shti rangli yon shoxchalar chiqqan. Oxirgi shoxchalarni uchlari 

birikib pustloq hosil qiladi. Po’stloqning tashqi hujayralari xromotoforaga boy,  ichki hujayralari 

yirik  va  rangsiz.  Radial  joylashgan  shoxchalarning  hujayralarini  po’stloq  iplari  o’rab  olgan. 

Po’stloqni ustki hujayralaridan to’p-to’p bo’lib,  joylashgan anteridiy hosil bo’ladi. Po’stloqning 

ichki  hujayralaridan  karpogon  hosil  bo’ladi,    undan  karposporalar  taraqqiy  etadi.  Urug’lanish 

sodir  bo’lgandan  keyin,  gonimoblastlar  rivojlanadi,  unda  zanjir  shaklida  to’p-to’p  bo’lib, 

karposporalar  joylashadi.  Tallom  pustlog’i  shiliqlanib  yirtilgandan  so’ng  karposporalar  suvga 

chiqadi.    Zigota  (urug’langan  karpogon  qorinchasi)  reduksion  (meyoz)  bo’linmasdan  o’sib,  

diploidning o’sishidan hosil bo’ladi. U 20 dan ortiq hujayralardan tashkil topgan ip bo’lib, uni 

ichki  hujayralari  reduksion  bo’lgandan  so’ng,  gaploidli  gameto  ip    o’simlik  -  nemaleon  o’sib 

chiqadi.  Uni asosiy (bazal) qismi diploid fazaga qoladi.