3 -amaliy mashg’ulot. Maktabgacha ta’lim tashkilotining yillik ish rejasi Maqsad: T

I bo’lim. Maktabgacha ta’lim tashkiloti o’quv yil yakunlari
Ushbu bo’limda o’tgan o’quv yili natija (ko’rsatkich)lari matn yoki jadval shaklida aks ettiriladi. Tashkilotni rivojlantirish, ta’lim-tarbiya faoliyati samaradorligini oshirish, metodik hizmatni tashkil etish, bolalarga har tomonlama sharoitlarni yaratish, pedagog xodimlarning kompetentsiyasini oshirish, bolalarni maktab ta’limiga sifatli tayyorlash, resurs bazasini mustahkamlash borasida amalga oshirilgan ishlar sarhisob qilinadi. Yil mobaynida duch kelingan muammo va yechimini kutayotgan masalalar, tarbiyalanuvchilarga ta’lim-tarbiya berish jarayonidagi bo’shliqlar, ularni kelayotgan o’quv yilida bartaraf etish bo’yicha istiqboldagi rejalar belgilanadi. Yuqorida qayd etilganlarga asosan, o’quv yili uchun asosiy vazifalar belgilab olinadi.
Tashkilotning yillik ish rejasiga kiritiladigan masalalar O’zbekiston Respublikasi Maktabgacha ta’lim vazirligi tomonidan tavsiya etilgan “Maktabgacha ta’lim tashkilotlarining yangi o’quv yilidagi asosiy vazifalari”ni amaliyotga joriy etishga yo’naltirilgan mavzular, maktabgacha ta’lim tashkilotidagi mavjud muammo va kamchiliklarni bartaraf etishga qaratilgan holda tanlanadi. Belgilangan asosiy vazifalar yillik ish reja bandlarida o’z aksini topgan, to’liq ijrosini ta’minlashga qaratilgan bo’lishi kerak.
Pedagoglar to’g’risida ma’lumotlar jadval ko’rinishida beriladi. Bunda, tashkilotda faoliyat yuritayotgan barcha pedagog hodimlarning malaka oshirish davriyligi belgilanadi hamda istiqbol rejasi asosida yil davomida malaka oshirish kurslariga yuboriladi.