3 -amaliy mashg’ulot. Maktabgacha ta’lim tashkilotining yillik ish rejasi Maqsad: T

Umumiy ishlab chiqarish yig’ilishlari o’quv yili davomida 2 marta rejalashtiriladi.
Birinchi umumiy ishlab chiqarish yig’ilishda barcha xodimlarga yangi o’quv yili ish rejasi, xodimlarning asosiy malaka tavsiflari hamda faoliyatga doir yo’riqnomalari (“Maktabgacha ta’lim tashkilotlarida bolalarning hayoti va sog’lig’ini muhofaza qilishni tashkil etish tartibi to’g’risida NIZOM”, “Mehnatni muhofaza qilish va texnika xavfsizligi” yo’riqnomalari, maktabgacha ta’lim tashkilotining “Jamoa shartnomasi” va “Ichki mehnat tartibi qoidalari”, “Yong’in havfsizligi qoidalari”) bilan tanishtiriladi.
Ikkinchi umumiy ishlab chiqarish yig’ilishi o’quv yili yakunida o’tkaziladi. Kun tartibiga o’quv yili yakuni hisoboti, maktabgacha ta’lim tashkilotida yozgi sog’lomlashtirish mavsumiga tayyorgarlik ishlarining belgilangan reja asosida olib borilishi muhokamaga kiritiladi.
Guruhlarning yozgi sog’lomlashtirish mavsumi rejasini tasdiqlash, mavsumga doir tavsiyanomalar bilan tanishtirish masalalari kiritiladi.
Mavzu asosida kun tartibiga 3 tadan ko’p bo’lmagan masalalar kiritiladi. Umumiy ishlab chiqarish yig’ilishida ko’rilgan masalalar yuzasidan qaror qabul qilinadi, qaror ijrosi bo’yicha mas’ul va muddatlar belgilanadi.
O’rganilgan masalalarga oid hujjatlar yig’ma jildi shakllantiriladi.
Umumiy ishlab chiqarish yig’ilishi bayonnomalari daftari tikilgan, sahifalangan, maktabgacha ta’lim tashkiloti rahbari tomonidan imzolangan va muhrlangan bo’lishi lozim.
Ish rejaga frontal, mavzuli, qiyosiy nazorat turlari kiritiladi.
Nazorat turlari o’quv yili davomida guruh sonidan kelib chiqqan holda rejalashtiriladi.
Maktabgacha ta’lim tashkiloti guruhlarida o’tkaziladigan nazorat turlari rejasi bo’yicha pedagog kengashlar yoki metodist burchagida pedagoglar uchun joylashtiriladi.
Nazorat ishlari - tashkilot rahbarining buyrug’i asosida nazorat o’tkazish bo’yicha aniq muddati ko’rsatilgan holda tasdiqlangan ishchi guruh tomonidan amalga oshiriladi. Ishchi guruh tarkibiga metodist, hamshira, xo’jalik mudiri, psixolog hamda shaxsiy va kasbiy kompetenligi yuqori bo’lgan pedagoglar toq sonda kiritiladi.
Namuna