3 -amaliy mashg’ulot. Maktabgacha ta’lim tashkilotining yillik ish rejasi Maqsad: T

Jihoz: Tarqatmalar, rasmlar va markerlar.
Dars metodi: «Blits sorov” metodi orqali savol-javob o’tkazish
Amaliy topshiriq:

1. 
   “Qanday organayzer” metodi tahlili.
   
2. 
   Muammoli vaziyat metodi
   
3. 
   “Ijodiy ish” metodi
   

Yillik ish reja o’quv yiliga mo’ljallangan bo’lib, maktabgacha ta’lim tashkilotining muhim huquqiy-me’yoriy hujjati hisoblanadi, maktabgacha ta’lim tashkilotining ish rejasi MTV tomonidan tavsiya etilgan namunaviy tuzilmaga binoan yoziladi.

MTT yillik ish rejasi birinchi pedagogik kengashda (avgust oyi) muhokama etiladi hamda tuman maktabgacha ta’lim bo’limi bilan kelishilgan holda tasdiqlanadi, umumiy ishlab chiqarish yig’ilishida (avgust oyi) jamoaga tanishtiriladi. MTT yillik ish rejasi titul varag’ida belgilovchi pedagogik kengash hamda ishlab chiqarish yig’ilishlari bayonnomasining raqami va sanasi qayd etiladi.
Yillik ish reja O’zbekiston Respublikasining ilk va maktabgacha yoshdagi bolalar rivojlanishiga qo’yilagan davlat talablari va “Ilk qadam ” maktabgacha ta’lim tashkilotining Davlat o’quv dasturiga mos ravishda tuzilgan bo’lishi lozim.
Maktabgacha ta’lim tashkilotining yillik rejasi mazmun, vaqt, ijrochilar, tashkiliy shakllar va uni amalga oshirish yo’llari aniq belgilangan, maktabgacha ta’lim tashkiloti jamoasining maqsadli dasturidir.

I- бўлим. Мактабгача таълим ташкилотида ўқув йил якунлари
Ma’ruzachi talabalarni yillik ish rejaning bo’limlarining mazmunini yoritib berish uchun juftlikda ishlashlarini aytadi va ularga yillik ish rejaning asosiy bo’limlarining nomlari qayd etilgan kartochkalarni tarqatadi (ilova-6).
Bahs-munozara. Talabalar kartochkadagi savollarga o’z fikr mulohazalari asosida javob beradilar. Talabalar tomondan berilgan javoblardan so’ng ma’ruzachi tamondan javob umumlashtiriladi.



Talabalarga mavzu slayd taqdimot orqali tushuntirib beriladi.
Maktabgacha ta’lim tashkiloti yillik ish rejasi titul varog’idan so’ng maktabgacha ta’lim tashkilotining qisqa ta’rifi (tashkilot tuzilgan yil, asos, quvvati, tashkilot haqida asosiy texnik ma’lumotlar, moddiy-texnik bazasi tavsifi, pedagogik xodimlar bilan ta’minlanganligi, guruhlarning jamlanishi, ish tartibi, yuridik manzili va telefoni)beriladi. So’ngra yillik ish rejaning asosiy bo’limlari yoritilib beriladi.