Namlab-isitib ishlash jihozlari va moslamalari
Kiyim tikishdagi asosiy namlab-isitib ishlash jihozlari va moslamalariga dazmol, dazmollash stoli, presslar, havo-bug‘ manekenlari va har xil qoliрlar kiradi.
Presslar namlab-isitib ishlashdagi eng sermehnat operatsiyalarni mexanizatsiyalashtirishga, ish unumini oshirishga, ishlov sifatini yaxshilashga va ishchilar mehnatini yengillashtirishga imkon beradi.
Bug‘-havo manekeni yelkali kiyimlarni uzil-kesil namlab isitib ishlash uchun mo‘ljallangan.
Dazmollash stollari va dazmollar namlab-isitib ishlashda ishlatiladigan asosiy jihozlar hisoblanadi. Har xil operatsiyalarni bajarish uchun bir-biridan vazni, o‘lchamlari va quvvati bilan farq qiladigan dazmollar ishlatiladi.
Dekatirlar gazlamani bug‘ bilan ishlab uning sifatini yaxshilash – zichlash, yumshatish hamda tikish va kiyish paytida kirishishiga yo‘l qo‘ymaslik uchun ishlatiladi.
Namlab-isitib ishlash moslamalari. Namlab-isitib ishlov berishda mehnat unumdorligini oshirish va buyumni ishlash sifatini yaxshilash uchun har xil moslamalar: qoliрlar, purkagich va dazmolmatolar ishlatiladi.
Qoliрlarning shakli va o‘lchamlari bajariladigan ishlar xarakteriga ko‘ra har xil bo‘ladi. Ular operatsiyaning xarakteri va ishlanadigan gazlamaning xiliga mos keladigan movut bilan qoplanadi.
Gazlamani namlagich – purkagichlar ishlanayotgan detalga suv purkash uchun ishlatiladi.
Dazmolmato yupqa polotno gazlama, flanel, paxmoq yoki zig‘ir tolali gazlamadan qilinadi. Dazmolmato orqali dazmollangan kiyim sirti kuymaydi va yaltiramaydi.
Namlab-isitib ishlash tartibi
Namlab-isitib ishlov berishga turli materiallar har xil ta’sir etadi, u materialning tolali tarkibiga, buralish darajasiga, materialning to‘qilishiga, ishlov beriladigan detalning qalinligiga va hokazolarga bog‘liq. Shuning uchun talab qilingan sifatni ta‘minlash, material uchun xossasini saqlash, ish unumini oshirish, ishlov berish tartibini to‘g‘ri tanlash va unga rioya qilish kerak.
Namlab-isitib ishlash tartibi deganda ish sifatini ta‘minlovich temperatura, namlik, ularning ta’sir etish davomiyligi va bosimi hamda ularning o‘zaro bog‘liqligi tushuniladi. Ishlov berish jarayonini tezlashtirishga ta’sir etuvchilardan biri namlik bo‘lib, uning miqdori material turiga bog‘liq. Ortiqcha namlik ishlov berish vaqtini uzaytiradi, ish unumini pasaytiradi, sifatini yomonlashtiradi.
Material o‘z xossasini o‘zgartirmaydigan darajagacha isitiladi.
Тemperatura tolaning issiqbardoshligiga bog‘liq bo‘ladi, yo‘l qo‘yiladigan ortiqcha qizdirish materialning mustahkamligini pasaytiradi va rangini o‘zgartiradi, xatto materialni yemiradi. Dazmollash sirtining buyumga tegib turish davomiyligi dazmollanayotgan buyumning materialiga va qilinligiga bog‘liq.
Namlik-issiqlik ishlovi dazmollash (dazmol bilan), presslash (press yordamida) va bug‘lash (bug‘ manekenlari yordamida) orqali bajariladi.
Do'stlaringiz bilan baham: |