26-mavzu: Yurt kelajagi bizning qo`limizda

26-mavzu: Yurt kelajagi bizning qo`limizda
I.Kirish:

Tarbiyaviy mashg`ulotning maqsadi:O`quvchilarni Vatanni sevish,asrash va uni rivojlanishiga o`z hissalarini qo`shishga o`rgatish.O`z huquq va burchlarini anglash ruhida tarbiyalash.
Tarbiyaviy mashg`ulotning jihozi: Mavzuga oid rasmlar, DVD, disk.
Tarbiyaviy mashg`ulot(ertalik)ning borishi

II.Asosiy qism:

1-boshlovchi:

Istiqlol-bu istiqlol, nurli hayot degani.

Qo`rg`oni but, el-yurt tinch, Vatan obod degani.

2-boshlovchi:

Har kim o`zin qo`rg`onin, qurganiga ne yetsin.

O`z yurtida davronin, surganiga ne yetsin,
1-boshlovchi: Assalomu alaykum, aziz ustozlar, maktabdosh do`stlar!Bugungi “Yurt kelajagi bizning qo`limizda”nomli tadbirimizga xush kelibsiz!
2-boshlovchi: Respublikamizda 2013 yilni “Obod turmush yili”deb e`lon qilinishi munosabati bilan bir qancha ulug` maqsadlar va istiqbolli vazifalarni amalga oshirish bugungi kunda davlatimiz siyosatida muhim ahamiyatga egadir.Bu jihatdan yosh avlod kamolotiga qarata olib borilayotgan ishlarning ko`lami ayniqsa, keng.
O`quvchi:

Salomim o`ng, so`limda bo`lsa,

Kitoblarim qo`limda bo`lsa,

Bilim olish murakkab emas,

Huquqimni bilib olsam bas.
O`quvchi:

Bunda to`le har narsadan mo`l,

Saodatim menga ochar yo`l.

Maktabimda men bir lolaman,

Unda yayrab bilim olaman.
O`quvchi:

Kelajagim bo`ladi porloq,

Orzularim kelar yaqinroq.

Ilm cho`qqisi sari odimlay.

Kitobimni qo`limdan qo`ymay,
1-boshlovchi: Axir farzandini yaxshi tarbiyalash, oq yuvib, oq tarash, axloq-odob, ilmu hunar o`rgatish, mehr- oqibatli, kindik qoni to`kilgan zaminga sadoqatli qilib tarbiyalash faqat bizning , xalqimizdagina muhim hisoblanadi-da.
2-boshl: “Shuni unutmasligimiz kerakki, kelajagimiz poydevori bilim dargohlarida yaratiladi,boshqacha aytganda, xalqimizning ertangi kuni qanday bo`lishi farzandlarimizning bugun qanday ta`lim tarbiya olishiga bog`liq ”.Davlatimiz Rahbarining “Yuksak ma`naviyat-yengilmas kuch”asarida aytilgan bu jumlalar bizni hamisha ijodga,yangilik sari intilishga chorlab turadi.

1-boshl: Bundan tashqari, O`zbekiston Respublikasi Konstitutsiyasi va“Bola huquqlari to`g`risida”gi Konvensiyasi kabi qonunlarning asosiy maqsadi bola huquqlarining kafolatlari sohasidagi munosabatlarni tartibga solish, Respublikamizning jamiki,bolalarni har tomonlama qo`llab-quvvatlashdan iborat.

Bolalar ijrosida tinchlik,Vatan haqidagi qo`shiq yangraydi.

O`quvchi

Aylaning bir jon,tanga.

Yurt chorlasa birlashing

Xudoga sig`ingandek,

Sig`ining shu Vatanga.
Ushbu hikmat damo-dam,

Jaranglasin sadodek.

Bu dunyoda yagona,

Vatan bitta xudodek.

O`quvchi:

Jannatmakon dunyosi bor,derlar bu yurtning,

Baxt sari eltuvchi Humosi bor, derlar bu yurtning.

Bayrog`in ko`ksiga bosib,jon bergan

Najmiddin Kubrosi bor, derlar bu yurtning.
Milliy raqslarimiz asosida yaratilgan “Guldasta” raqsi ijro etiladi. Musiqa sadolari ostida o`quvchilar yurtni,istiqlolni tarannum etuvchi she`rlardan
Qo`lni-qo`lga beraylik,dilni dilga ulaylik, Istiqlol deb atalmish muqaddas yo`ldan yurtboshimiz ila mardonavor boraylik.Bu yurt Navoiylar, Yassaviylar, Buxoriylar va Temuriylar yurtidir.

: Yurtim, qora quzg`un hujum qilganda qalqonmiz biz,Alpomishdek dovyurak o`g`loningmiz biz,Barchinoydek sadoqatli qizlaringiz biz.Bizning tomirlarimizda temuriylar, boburiylar qoni jo`sh urmoqda.

Biz ham o`zimizdan yaxshi nom qoldiraylik. Shukronalik ila yashaylik.Vatan uchun beminnat xizmat qilaylik.Qanchadan-qancha erkparvar, elparvar bobolarimizning qoni,joni ketgan bu yo`lda.Bu yo`lda biz ham kerak bo`lsa jonimizni beramiz.
Bobolarimizning o`kinchlar bilan o`tgan umrlari zoye ketmagan.Chunki ularning vorislari-yosh Qodiriylar, yosh Cho`lponlar chashma kabi otilib chiqmoqdalar. O`quvchi;Biz kelajakda sening nomingga atab shunday mustahkam qo`rg`on barpo etaylikki, uni hech bir qora niyat, yovuz kuch qulata olmasin.Bu yo`lda yurtboshimiz yelkadosh,bobolarim ruhlari madadkor bo`lsii:

Bizlar yorug` kunda tug`ildik,

Saodatga, baxtga yo`g`rildik.

Ollohimning nazari tushgan,

Jannatmakon yurtda tug`ildik.

Yoshlar uchun ochiqdir yo`llar,

Bilimlarga tashna ko`ngillar.

Shijoatga to`ldi bu dillar,

Ixtirolar uchun tug`ildik.

Farzandim deb, qulochin ochgan,

Xalqim,-deya, tinchidan kechgan,

Dovrug`imiz jahonga sochgan,

Islom bobo uchun tug`ildik!

O`zbekiston mening o`zimsan,

Vujudimsan, qosh-u ko`zimsan.

Kelajagi buyuk ro`zimsan,

Seni asrash uchun tug`ildim.