23-ma’ruza 23-mavzu: lub va kimyomiy tolalardan ip yigirish reja

11

RN-216-L osma rogulkali piliklash mashinasining texnologik sxemasi

1-piltali taz; 2-yo’naltiruvchi roliklar; 3-ta’minlovchi voronka; 4-ta’minlovchi silindr; 5-o’z og’irlikli valik; 6-tarash maydoni; 7-silindr; 8-bosuvchi valik; 9-prujinali bosuvchi; 10-rogulka; 11-katushka

Zig’ir tolasini yigirish va yigirish mashinalari. Taralgan zig’irdan ip ishlab chiqarishda ikki yigirish usulidan foydalaniladi: quruq va nam. Yigirish usuli yigirish mashinalaridagi cho’zish asboblaridagi cho’zish xarakterini va konstruksiyasini belgilaydi. Quruq usulda ip texnik tolalardan xosil bo’ladi, nam usulda esa – elementar tolalardan yoki ularning kichik komplekslaridan xosil bo’ladi.
Nam usulda yigirishda pilik cho’zish asbobidan oldin o’rnatilgan issiq suvli (45-75^oS) tog’oradan o’tadi. Issiq suv elementar tolalar elimlangan yelimlovchi pektinli moddalarning yumshashiga, va cho’zish asbobida elementar tolalarning bir-biriga nisbatan siljishiga xizmat qiladi. Nam usulda yigirish ancha ingichka, ravon, tekis ip olishga imkon beradi. Quruq usul o’rta va katta chiziqiy zichlikdagi ip ipshlab chiqarish uchun ishlatiladi.
Taralgan zig’irdan ip PM-88-L3, PM-88L5, PM-88-L8 yigirish mashinalari nam usulda va PS-100-L, PS-132-L mashinalari quruq usulda yishirish uchun ishlatiladi.
Kalta zig’ir tolasidan va tarandidan ip ishlab chiqarish uchun PM-114-L1, PM-114-L5 va PM-114-L6 yigirish mashinalari nam usulda va PM-100-LO va PPM-240-L yigirish mashinalari quruq usulda yigirish uchun ishlatiladi.
Jut va penka iplari PS-132-PD sentrifugli yigirish mashinasida ishlab
chiqariladi.
Zig’ir uchun ishlatiladigan barcha xalqali yigirish mashinalari bir biridan asosan cho’zish asbobi konstruksiyasi bilan farq qiladi, ishlash prinsipi esa o’zgarmaydi.
Kamerali pnevmomexanik yigirish mashinalari
PPM-240-L pnevmomexanik yigirish mashinasi zig’ir tolasining kimyoviy tolalari (30-50%) bilan aralashmasidan o’rta chiziqiy zichlikdagi ip ishlab chiqarish uchun mo’ljallangan, qurilmasi va ishlash prinsipi jun pnevmomexanik yigirish mashinasi bilan bir xil. Kamerasining diametri 120 mm, kameraning aylanish chastotasi esa 15000-20000 min^-1.