23-ma’ruza 23-mavzu: lub va kimyomiy tolalardan ip yigirish reja

Zig’ir tolasini karda (tarandili) yigirish sistemasi
Bu yigirish sistemasida quyidagi kalta zig’ir tolalari ishlatiladi: zig’ir tarash mashinalaridan olingan tarandilar; zig’irni dastlabki ishlashda olingan kalta tolalar; dag’al tarash mashinalarida savalgan kalta va past navli kalta zig’ir tolasi; zig’ir yigirish korxonalarining tayyorlash va yigirish bo’limining ayrim chiqindilari.
Zig’ir yigirish fabrikalariga xom ashyo tolalari uzunligi xar xil bo’lgan, o’zaklar va boshqa iflosliklar bilan kuchli ifloslangan toylarda keltiriladi.
Karda tarashda kalta zig’ir tolasi quyidagi texnologik jarayonlardan o’tkaziladi: titish, tozalash, aralashtirish, ravon va uzluksiz qatlamni (piltani) xosil qilish, emulsiyalash, pakovkani shakllantirish va dam berish. BU jarayonlar A-150-L1 agregatlarida, PL-KL, PL-1-KL ishlab chiqarish tizimlarida bajariladi.
A-150-L1 aralashtirish agregati Agregat tarkibiga oltita ta’minlovchi-aralashtirgich, tarash va piltashakllantiruvchi mashina kiradi.