23-ma’ruza 23-mavzu: lub va kimyomiy tolalardan ip yigirish reja

Taqsimlovchi mashinada piltaning shakllanishi
Taralgan zig’ir qismlaridan qalinligi bo’yicha ravon va tarkibi bo’yicha bir xil, ma’lum chiziqiy zichlikdagi piltani tayyorlash uchun taqsimlovchi mashina ishlatiladi.



AR-500-L avtomatik taqsimlovchi mashinaning texnologik sxemasi

Tiskalar 1, taralgan zig’ir qismini ilib olid, ularni kolodkadan olib chiqadi va to’shaladigan qatlam 2 ga taxlaydi. Uzluksi qismlar oqimi valik 3 bilan zichlanadi va keyin cho’zish asbobi ta’minlovchi juftligiga uzatiladi, u silindr 4 va bosuvchi valik 5 dan iborat. Ta’minlovchi juftlikning tezligi to’shovchi qatlam tezligidan 15-17% ga ko’proq. So’gra tolalar oqimi tushuvchi taroqli tarash maydoni 6 ga uzatiladi, ularning tezligi ta’minlovchi juftlik tezligidan 10% ga ko’proq. Tarash maydonidan tolalar silindr 7 va valik 8 dan iborat bo’lgan cho’zuvchi juftlik qisqichlariga uzatiladi. ularning tezligi taroqlar tezligidan 10-25 martta ko’proq. SHunday qilib, qism oqimi 10-25 martta ingichkalashtiriladi, lentaga aylanadi. Keyin pilta chiqaruvchi silindrlar 9 tomonidan namlash kamerasi 10 ga, keyin yoyuvchi valik 11 dan o’tadi, keyin pilta taxlagich 12 tomonidan taz 13 ga taxlanadi.

AR-500-L avtomatik taqsimlovchi mashinada tayyorlangan pilta chiziqiy zichlik bo’yicha katta notekislikka ega va strukturasi bo’yicha bir xil emas. Bu piltaning chiziqiy zichlik va strukturasi bo’yicha tekislanishi haydovchi va piltalash mashinalarida amalga oshiriladi.